Ezai 56:2 - Labib An Kreol Seselwa

² Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Ezai 56:2 ပူးပေါင်းရင်းမြစ်များ

Nehemi 13:17

Mon ti repros bann personnaz enportan dan Zida. Mon ti demann zot: Ki savedir sa bann move aksyon ki zot pe fer? Zot pe mepriz zour saba.

Psonm 106:3

I byennere sa enn ki fer sa ki drwat e ki touzour pratik lazistis.

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 119:101

Mon'n evite mars dan move semen pour mwan gard ou promes.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 34:14

Aret fer sa ki mal, pratik sa ki byen; rod lape e met li an pratik.

Psonm 37:27

Aret fer sa ki mal, pratik sa ki byen e ou ava reste dan sa pei pour touzour.

Egzod 20:10

Me setyenm zour i saba rezerve pour SENYER, ou Bondye. Sa zour, ou pa pou fer okenn travay, ni ou, ni ou garson, ni ou fiy, ni ou serviter, ni ou servant, ni ou bann zannimo, ni okenn etranze ki reste dan ou bann lavil.

Egzod 20:8

Rapel zour saba; gard li koman en zour sakre.

Proverb 14:16

En saz i per maler e i pas akote; sa enn ki bet i azir tro vit akoz i fer tro konfyans.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 4:13

Gard lenstriksyon ki ou'n gannyen, pa abandonn li; gard li, akoz i ou lavi.

Proverb 4:27

Pa detourn ni adrwat ni agos; elwanny ou lipye devan sa ki mal.

Eklezyas 7:18

I bon ki ou gard sa premye konsey san oubliy lot; sa enn ki annan respe pour Bondye i trouv en semen sorti dan tou sityasyon.

Ezai 56:4

La sa ki SENYER i deklare: Bann enik ki gard mon bann saba ki swazir pour fer mwan plezir e ki gard fidelman mon lalyans:

Ezai 56:6

Bann etranze ki'n atas zot avek SENYER, ki onor li, ki kontan non SENYER, ki vin son serviter, zot tou ki obzerv saba e pa dezonor li, ki gard fidelman mon lalyans,

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Ezekyel 20:20

Gard mon bann saba koman sakre, pour ki i ava vin en siny ant mwan ek zot, par lekel zot ava rapel ki mwan SENYER, zot Bondye.

Levitik 19:30

Obzerv mon bann saba e annan respe pour mon sanktyer. Mwan menm SENYER.

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Levanzil dapre Lik 12:43

Ere sa serviter si son met i war li pe fer son travay kan i arive!

Levanzil dapre Zan 13:17

Aprezan ki zot konn sa, zot ava ere si zot met li an pratik.

Romen 12:9

Lanmour i devre senser. Deteste sa ki mal e reste atase avek sa ki byen.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.