Ezai 54:9 - Labib An Kreol Seselwa

⁹ Pour mwan, sa i fer rapel letan Noe: Parey mon ti'n promet dan sa letan ki delo pa pou kouver later, mon promet ki mon pa pou zanmen met mwan ankoler kont ou e ki zanmen mon pou menas ou.

Ezai 54:9 ပူးပေါင်းရင်းမြစ်များ

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Liv Zob 11:16

Annefe, ou ava oubliy tou ou maler. Ou ava oubliy zot parey delo ki'n fini koule.

Psonm 104:9

Ou ti fikse balizaz ki zot pa ti devre depase, pour ki delo pa kouver later ankor.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 49:18

Lev ou lizye e get otour ou; zot tou zot pe rasanble, zot pe vin kot ou. SENYER i deklare: Osi vre ki mon vivan, zot pou port tou, parey en zoli bizou; zot pou abiy parey en zenn marye.

Ezai 51:22

La sa ki SENYER, ou Bondye ki defann lakoz son pep i deklare: Mon pe tir dan ou lanmen lakoup mon lakoler ki fer ou drive. Ou pa pou bwar ankor dan lakoup mon lakoler.

Ezai 51:6

Lev lizye, get lesyel, get later anba: Lesyel pou disparet parey lafimen; later pou tonm an lanbo parey en lenz e son bann zabitan pou mor parey mous. Me mon delivrans i asire e delivrans ki mon pe anmennen i pour touzour.

Ezai 51:8

akoz mit pou manz zot parey i manz lenz e lever pou manz zot parey i manz lalenn. Me mon delivrans i pour touzour e zot pou ganny sove zenerasyon apre zenerasyon.

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Zeremi 31:37

Si lesyel ki anler, ti kapab ganny mezire; si bann fondasyon later ki anba, ti kapab ganny sonde; alor mon ti ava rezet tou bann desandan Izrael, pour tou lemal ki zot in fer, SENYER ki deklare.

Ezekyel 16:42

Kan mon ava'n satisfer mon lakoler kont ou, mon zalouzi ava arete e mon ava repran mon kalm; mon lakoler ava tonbe.

Ezekyel 39:20

Dan sa gran repa, zot pou manz ziska zot rasazye: Seval ek son kavalye, solda ek toudsort konbatan. Senyer BONDYE ki'n deklare.

Ezekyel 39:29

Mon pou devers mon Lespri lo pep Izrael. Mon pa pou zanmen detourn mon vizaz ankor kont zot. Senyer BONDYE ki deklare.