Ezai 54:8 - Labib An Kreol Seselwa

⁸ La sa ki SENYER ou Sover i deklare: Dan mon gran lakoler, mon ti'n maske mon figir avek ou. Me mon pou touzour kontan ou e annan konpasyon anver ou.

Ezai 54:8 ပူးပေါင်းရင်းမြစ်များ

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Psonm 103:4

I repran ou lavi dan lafos; i kouronn ou avek fidelite ek konpasyon.

Psonm 13:1

Ziska kan SENYER, ou pou oubliy mwan? Pour touzour? Ziska kan ou pou kasyet ou figir avek mwan?

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 40:27

Zakob! Akoz ou dir? Izrael! Akoz ou repete: Ki pe arive ek mwan? Mon Bondye pa pran ka pour mwan.

Ezai 45:15

Vreman ou en Bondye ki reste kasyet; Ou, Bondye Izrael, ki Sover!

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Ezai 49:13

Lesyel! Sant ou lazwa. Later! Rezoui ou. Bann montanny! Fer tande zot bann sanson. SENYER in konsol son pep; in pran konpasyon pour sa bann ki pe soufer.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 54:10

SENYER ki annan konpasyon pour ou, i deklare: Menm si bann montanny i kapab tonbe; bann kolin i kapab sanz plas, mon lanmour anver ou pa pou zanmen bouze, e lalyans lape ki mon'n fer avek ou pou reste ferm.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 60:10

Bann etranze pou refer ou bann miray; zot bann lerwa pou servi ou, akoz dan mon lakoler mon'n pini ou. Me dan mon labonte, mon'n pran pitye pour ou.

Ezai 63:7

Mon pou rakont bann byenfe ki SENYER in fer, bann aksyon SENYER ki merit ganny loue: Pour tou sa ki SENYER in fer pour nou; dan son gran konpasyon ki i'n montre pour Izrael, dan labondans son gran fidelite.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Zeremi 31:3

Depi dan lwen, SENYER ti aparet avek mwan. Mon kontan ou depi touzour e pour touzour. Pour sa rezon, mon'n reste fidel anver ou.

Zeremi 33:26

alor, mon ti ava'n kapab rezet desandans Zakob ek David mon serviter. Mon ti ava'n kapab rezet desandans Zakob ek mon serviter David e aret pran dan son desandans sa bann ki pou gouvern desandans Abrahanm, Izaak ek Zakob. Me mon pou annan pitye pour zot e mon pou fer zot prospere parey avan.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Ezekyel 39:29

Mon pou devers mon Lespri lo pep Izrael. Mon pa pou zanmen detourn mon vizaz ankor kont zot. Senyer BONDYE ki deklare.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

1 Timote 1:16

Me i'n tret mwan avek konpasyon, mwan ki pli gran peser. Konmsa, Zezi-Kri i montre tou son pasyans pour servi koman en legzanp pour tou bann ki pou krwar plitar dan li e resevwar lavi eternel.