Ezai 54:7 - Labib An Kreol Seselwa

⁷ Mon'n abandonn ou pour en moman, me dan mon konpasyon, mon pou rasanble ou.

Ezai 54:7 ပူးပေါင်းရင်းမြစ်များ

Psonm 106:47

SENYER nou Bondye, sov nou! Rasanble nou parmi bann nasyon, pour nou kapab remersye ou non sen; pour nou pran plezir dan ou louanz.

Psonm 107:3

zot ki i'n rasanble depi bann pei etranze, depi dan Les ziska dan Was, depi dan Nor ziska dan Sid.

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 30:6

Mon ti krwar mon an sekirite. Alor mon ti dir: Zanmen mon pou ganny sekwe.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 11:12

I pou lev en bannyer pour bann nasyon, reinir bann ki dan Izrael e rasanble pep Zida disperse dan kat kwen later.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 27:12

Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 49:13

Lesyel! Sant ou lazwa. Later! Rezoui ou. Bann montanny! Fer tande zot bann sanson. SENYER in konsol son pep; in pran konpasyon pour sa bann ki pe soufer.

Ezai 49:18

Lev ou lizye e get otour ou; zot tou zot pe rasanble, zot pe vin kot ou. SENYER i deklare: Osi vre ki mon vivan, zot pou port tou, parey en zoli bizou; zot pou abiy parey en zenn marye.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Ezai 60:10

Bann etranze pou refer ou bann miray; zot bann lerwa pou servi ou, akoz dan mon lakoler mon'n pini ou. Me dan mon labonte, mon'n pran pitye pour ou.

Ezai 60:4

Lev ou lizye e get otour ou; zot tou, zot in rasanble; ansanm, zot pe vin kot ou; ou bann garson i arive, sorti lwen; ou bann fiy pou ganny anmennen dan lebra zot nouris.

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Ezai 63:7

Mon pou rakont bann byenfe ki SENYER in fer, bann aksyon SENYER ki merit ganny loue: Pour tou sa ki SENYER in fer pour nou; dan son gran konpasyon ki i'n montre pour Izrael, dan labondans son gran fidelite.

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Lamantasyon 3:31

Annefe, SENYER pa pou rezet personn pour touzour.

Lamantasyon 3:32

Menm si i fer li soufer, i montre son konpasyon dan son gran fidelite.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Mise 4:6

SENYER i deklare: Sa zour, mon pou rasanble bann ki bwete. Mon pou reini sa ki'n ganny disperse e bann ki mon'n maltrete.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Efezyen 1:10

Sa plan ki pou ganny egzekite dan letan lafen, pour reini tou keksoz ki dan lesyel e lo later, anba en sel sef: Kris.

Deterononm 30:3

alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

2 Pyer 3:8

An tou ka, mon bann zanmi! Pa oubliy sa pwen: Pour Senyer, en zour i koman 1,000 an, e 1,000 an i koman en zour.