Ezai 54:5 - Labib An Kreol Seselwa

⁵ akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Ezai 54:5 ပူးပေါင်းရင်းမြစ်များ

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

Ezai 45:11

La sa ki SENYER, Bondye Sen Izrael e son Kreater i deklare: Eski ou pou kestyonn mwan lo mon bann zanfan, oubyen donn mwan lord lo travay ki mon'n fer par mon lanmen?

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 51:15

Mwan SENYER, ou Bondye mon fer lanmer vin move e bann laroul ronfle. SENYER liniver i son non.

Ezai 54:8

La sa ki SENYER ou Sover i deklare: Dan mon gran lakoler, mon ti'n maske mon figir avek ou. Me mon pou touzour kontan ou e annan konpasyon anver ou.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Ezai 65:16

Alor, tou dimoun dan pei, ki oule en benediksyon, pou ganny li lo non Bondye fidel. Tou dimoun ki dan sa pei, ki fer en ve, pou fer li lo non Bondye fidel; akoz bann detres lepase i'n ganny oubliye. Mon dir ou, zot pou ganny efase devan mwan.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 3:14

Retourn kot mwan, pep enfidel. Akoz mwan ki zot SENYER, mon pou pran enn parmi zot dan sak lavil, de parmi zot ki sorti dan sak fanmir, e mon pou fer zot retourn Siyon.

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Ezekyel 16:8

Mon ti repas la kot ou ti ete e mon ti get ou; ou ti'n ganny laz pour fer lanmour. Alor, mon ti kouver ou avek en bout mon lenz, akoz ou ti touni. Mon ti promet ou fidelite e fer en lalyans avek ou; ou ti vin pour mwan. Senyer BONDYE ki'n deklare.

Oze 2:16

La sa ki SENYER i deklare: Sa zour ou pou apel mwan: Mon mari. I pou nepli apel mwan: Mon Baal.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Levanzil dapre Lik 1:32

I pou gran e i pou ganny apele Garson Bondye Treo. Bondye pou donn li tronn son papa, David.

Levanzil dapre Zan 3:29

Nouvel marye i pour nouvo marye. Me zanmi nouvo marye ki debout akote e ki ekout li, i annan gran lazwa pour antann son lavwa. Sa i donn mwan osi en lazwa konplet.

Efezyen 5:32

I annan en gran laverite ki'n kasyet dan sa pasaz Lekritir. Mon dir ki i aplik avek Kris ek Legliz.

Zozye 3:11

Annefe, Kof Lalyans SENYER later antye pou travers larivyer Zourden devan zot.

Zozye 3:13

Kan bann pret ki anmenn Kof Lalyans SENYER, later antye ava poz zot lipye dan delo larivyer Zourden, delo par anler dan larivyer Zourden pou aret koule, e vin an ta.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.