Ezai 54:4 - Labib An Kreol Seselwa

⁴ Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Ezai 54:4 ပူးပေါင်းရင်းမြစ်များ

Liv Zob 11:16

Annefe, ou ava oubliy tou ou maler. Ou ava oubliy zot parey delo ki'n fini koule.

Ezai 25:8

La sa ki SENYER i promet: Lanmor pou disparet pour touzour. Senyer BONDYE pou eswiy tou larm lo tou bann figir. I pou fer disparet laont son pep.

Ezai 29:22

Pour sa rezon, la sa ki SENYER ki'n sov Abrahanm i dir avek desandan Zakob: Zanmen ankor, Zakob pou ganny imilye; zanmen ankor son figir pou sanz kouler.

Ezai 4:1

Sa zour, set fanm pou anpandan avek en sel zonm. Zot pou dir li: Nou ava rod nou manze nou menm, nou ava met nou prop lenz. Zis donn nou ou non. Fer disparet nou laont.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 50:7

Senyer BONDYE in ed mwan. Pour sa rezon ki mon pa sibir dezoner. Alor, mon fer mon figir vin dir parey ros e mon konnen ki mon pa pou kanmi.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 61:7

Olye ki zot ganny en doub laont ek dezoner koman zot par, zot pou erit en doub porsyon dan zot pei; zot pou dan lazwa pour touzour.

Ezai 65:16

Alor, tou dimoun dan pei, ki oule en benediksyon, pou ganny li lo non Bondye fidel. Tou dimoun ki dan sa pei, ki fer en ve, pou fer li lo non Bondye fidel; akoz bann detres lepase i'n ganny oubliye. Mon dir ou, zot pou ganny efase devan mwan.

Zeremi 31:19

Nou ti'n tourn lwen avek ou; me apre, nou ti regrete. Ou'n pini nou; aprezan nou rekonnet nou fot. Nou kanmi e nou'n ganny imilye, akoz pese ki nou'n komet dan nou zenes.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 16:22

Dan tou sa bann aksyon degoutan ek ou prostitisyon, ou pa ti mazin lepok ou lazenes, kan ou ti touni, san nanryen lo ou, kan ou ti pe debat dan ou disan.

Ezekyel 16:43

Ou'n fer monte mon lakoler avek tousala, akoz ou nepli rapel letan ou lazenes. Alor, mon tour, mon pou fer ou bann aksyon retonm lo ou. Senyer BONDYE ki'n deklare. Annefe, an plis ki sa bann pratik onte, pa ou'n komet bann aksyon ankor pli degoutan?

Ezekyel 36:15

Mon pa pou les ou antann bann ensilt bann nasyon, ni bann parol mepri bann pep; ou pa pou les ou nasyon tonbe. Senyer BONDYE ki'n deklare.

Zoel 2:21

Later! Pa bezwen per! Plito rezoui, akoz SENYER in akonpli bann gran mervey!

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

1 Pyer 2:6

Annefe, Lekritir i deklare: La mon poz dan Siyon en ros. En ros kwen presye ki'n ganny byen swazir. Sa enn ki krwar dan li pa pou dezapwente.