Ezai 53:7 - Labib An Kreol Seselwa

⁷ I ti ganny maltrete e imilye, me i pa ti ouver labous. Parey en mouton ki ganny anmennen labatwar, parey en zenn mouton, reste trankil, san ouver labous, devan sa bann ki raz li.

Ezai 53:7 ပူးပေါင်းရင်းမြစ်များ

Psonm 38:14

Mon parey en dimoun ki pa antann e okenn repons pa sorti dan son labous.

Psonm 38:15

SENYER! Mon kont lo ou. SENYER, mon Bondye! Ou ki pou reponn mwan.

Psonm 44:22

Akoz ou, nou ganny martirize tou lazournen e ganny trete parey mouton pour labatwar.

Ezai 50:6

Mon ti vir mon ledo avek sa bann ki ti pe fwet mwan e mon lazou avek sa bann ki ti pe aras mon labarb. Mon pa ti kasyet mon figir avek bann ki ti pe ensilte mwan e kras lo mwan.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Nonm 7:27

en toro, en mouton mal adilt, en zenn mouton mal aze enn an pour sakrifis konplet;

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Mark 14:61

Me Zezi ti gard silans e i pa ti reponn nanryen. Gran-Pret ti demann li ankor, “Eski ou menm Mesi, Garson Bondye beni?”

Mark 15:5

Me Zezi pa ti donn okenn repons. Sa ti sirprann Pilat.

Levanzil dapre Lik 23:9

Herod ti kestyonn li pandan lontan; me Zezi pa ti reponn nanryen.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Levanzil dapre Zan 19:9

I ti antre dan pale e demann Zezi, “Kote ou sorti?” Me Zezi pa ti reponn li.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.