Ezai 53:2 - Labib An Kreol Seselwa

² I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 53:2 ပူးပေါင်းရင်းမြစ်များ

Ezai 11:1

En bourzon ava sorti dan tron Zese, en brans ava sorti dan son rasin.

Ezai 4:2

Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

Ezai 52:14

I ti telman defigire, ki bokou ti etonnen ler zot ti war li. I ti nepli resanble en imen.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zakari 3:8

Zozye! Ou ki Gran-Pret! Mon demann ou, ek ou bann koleg ki asiz devan ou, mon demann ou ekoute aprezan. Sa bann zonm i anons lavenir: Mon pe fer vin mon serviter ki apel Bourzon.

Zakari 6:12

Ou ava dir li: La sa ki SENYER liniver i deklare: La en zonm ki apel Bourzon Kot i ete i pou prodwir lavi e i pou konstri tanp SENYER.

Mark 6:3

Pa li sa sarpantye, garson Mari? Zak, Zoze, Zid ek Simon pa son bann frer? Son bann ser, pa zot reste isi menm parmi nou?” Pour sa rezon, zot pa ti oule krwar li.

Mark 9:12

Zezi ti reponn zot, “I vre: Eli i bezwen vini avan, pour remet tou annord. Me akoz Lekritir i osi dir ki Fis-de-Lonm i bezwen soufer en kantite e ganny meprize?

Levanzil dapre Lik 2:7

I ti donn nesans son premye ne, en garson. Mari ti anvlop li dan en drapo. I ti depoz li dan en manzwar, akoz ti napa plas pour zot dan lotel.

Levanzil dapre Lik 9:58

Zezi ti dir li, “Renar i annan zot trou, zwazo dan lesyel, zot annan zot nik, me Fis-de-Lonm napa en landrwa kot i kapab repoz latet.”

Levanzil dapre Zan 18:40

Alor, zot ti rekonmans kriye, “Non, pa sa enn, me Barabas.” Barabas ti en bandi.

Levanzil dapre Zan 19:5

Alor, Zezi ti sorti dan sa gran rob rouz, avek son kouronn pikan lo latet. Pilat ti dir zot, “La i la, sa zonm.”

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

1 Pyer 2:14

bann gouverner ki'n ganny anvoye par lerwa, pour pini bann malfeter e pour felisit bann ki fer sa ki byen.