Ezai 53:11 - Labib An Kreol Seselwa

¹¹ Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Ezai 53:11 ပူးပေါင်းရင်းမြစ်များ

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Ezai 49:3

In dir mwan: Izrael! Ou menm mon serviter. Par ou, mon pou montre mon laglwar.

Ezai 52:13

Mon serviter pou prospere; i pou ganny egzalte, i pou monte e ganny gran loner.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 53:8

Par en move zizman, i ti ganny arete avek vyolans. Lekel ki ti pran ka dan son sor? I ti'n ganny tire lo later parmi bann vivan, ganny met anmor akoz bann revolt mon pep.

Danyel 12:3

Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

Levanzil dapre Lik 22:44

Akoz i ti dan langwas, Zezi ti priy plis ankor; son transpirasyon ti tonm ater parey gro gout disan.

Levanzil dapre Zan 12:24

Mon dir zot, sa i laverite: En gren dible i reste en gren dible si i pa ganny zet dan later e mor. Si i mor, alor i prodwi en kantite lagrenn.

Levanzil dapre Zan 16:21

Kan en fanm pe al akouse, i enkyet akoz son ler in arive. Me kan son baba in fini ne, i oubliy son douler, akoz i dan lazwa pour sa zanfan ki i'n met omonn.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Romen 4:24

In ganny ekri osi pour nou, ki ganny konsidere koman zis, nou ki krwar dan sa enn ki'n resisit Zezi, nou Senyer.

Romen 5:9

Par son sakrifis, in rann nou zis devan Bondye. A pli fort rezon, i pou sov nou aprezan devan lakoler Bondye.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Galat 4:19

Mon bann zanfan! Mon pe soufer ankor pour zot, parey en fanm ki pe akouse, ziska ki Kris in fini formen dan zot.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

1 Zan 2:1

Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

2 Zan 1:1

Sa let i sorti kot Ansyen, pour sa gran Madanm, swazi par Bondye ek son bann zanfan, ki mon kontan bokou dan laverite. Pa zis mwan ki kontan ou, me osi tou bann ki konn laverite.

2 Zan 1:3

Mon demande ki Bondye nou Papa ek Zezi-Kri, Garson son Papa, ava donn nou son lagras, pardon ek lape, dan laverite ek lanmour.