Ezai 52:7 - Labib An Kreol Seselwa

⁷ Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Ezai 52:7 ပူးပေါင်းရင်းမြစ်များ

Psonm 59:13

detri zot dan ou lakoler. Detri zot ziska ki zot disparet. Alor tou dimoun ava konnen ki Bondye i gouvern Izrael ek later antye.

Psonm 68:11

SENYER i donn lord; en gran lafoul fanm i anons sa bon nouvel:

Psonm 93:1

SENYER i lerwa, in anvlope dan mazeste; i antoure avek lafors.

Psonm 96:10

Al anons avek bann nasyon: SENYER i Lerwa! Lemonn i solid; i pa pou bouze. SENYER i ziz bann pep avek drwatir.

Psonm 97:1

SENYER i lerwa! Later i rezoui! Bann zil i dan lazwa!

Psonm 98:2

SENYER in fer konn son laviktwar; in revel son lazistis devan tou bann nasyon.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Kantik Salomon 2:8

Ekoute! Mon antann son lavwa; mon byenneme pe vini. I pe sote lo bann montanny; I pe sote lo bann kolin.

Ezai 24:23

Apre sa, lalin pou vin rouz; soley pou kouver avek laont, akoz SENYER liniver pou rennyen lo montanny Siyon e dan Zerizalenm. Son mazeste pour ganny manifeste devan son bann ansyen.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Ezai 41:27

Mwan ki ti premye pour anons sa bon nouvel Zerizalenm: Gete! Ou pep pe retournen!

Ezai 42:11

Dezer ek bann lavil! Lev zot lavwa. Bann vilaz osi kot Kedar i reste. Bann zabitan Sela! Sant zot lazwa. Kriye depi lo latet bann montanny!

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Nahoum 1:15

Zabitan Zida! Gete! La zot pe vini lo montanny, sa enn ki vin anons bonn nouvel: Zot anons lape. Selebre zot bann lafet, Zida; gard zot bann ve. Destrikter pa pou pas ankor parmi zot. I'n ganny konpletman detri.

Nahoum 2:1

Pep Niniv! En larme pe monte pour atake. Met bann solda lo miray defans. Vey bann semen. Rasanble tou ou lafors.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Mark 13:10

Me avan sa, Bonn Nouvel pou ganny anonse avek tou bann nasyon.

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

Levanzil dapre Lik 2:10

Me lanz ti dir zot, “Pa per! Mon annan en bon nouvel pour zot, ki pou donn lepep antye en gran lazwa:

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Efezyen 6:15

met koman soulye, lelan pour anons Bonn Nouvel lape.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 14:6

Apre, mon ti war en lot lanz pe anvole tre o dan lesyel. I ti annan en Bonn Nouvel eternel pour anons tou zabitan later, nasyon, tribi, lalang ek pep.