Ezai 52:6 - Labib An Kreol Seselwa

⁶ Pour sa rezon ki mon pep pou konnen lekel mwan; pour sa rezon, sa zour la, i pou konnen ki mwan ki pe koze: La mon pe vini!

Ezai 52:6 ပူးပေါင်းရင်းမြစ်များ

Psonm 48:10

Mon Bondye! Ou non ek ou grander i ganny selebre partou lo later. Ou ranpli avek lazistis.

Egzod 3:13

Moiz ti dir Bondye, “Si mon al kot pep Izrael e mon dir zot: Bondye zot zanset in anvoy mwan kot zot. Si zot demann mwan son non, ki mon pou reponn zot?”

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Egzod 6:3

Mon ti aparet avek Abrahanm, Izaak ek Zakob koman Bondye Toupwisan, me mon pa ti fer zot konn mwan par mon non: SENYER.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Ezai 42:9

Bann premye levennman ki'n ganny anonse in fini pase. Aprezan, mon anons sa ki nouvo: Mon fer ou konnen avan menm zot arive.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Ezekyel 20:44

Alor, zot ava konnen ki mwan menm SENYER, kan mon pran aksyon pour prezerv mon loner, akoz mon pa pou pran kont zot move lavi, ni zot move aksyon. Senyer BONDYE ki deklare.

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.