Ezai 52:11 - Labib An Kreol Seselwa

¹¹ Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Ezai 52:11 ပူးပေါင်းရင်းမြစ်များ

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Efezyen 5:11

Pa asosye zot avek bann aksyon initil, ki ganny fer zis dan fernwanr. Plito, ekspoz zot dan lalimyer.

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

Romen 14:14

Mon konnen e mon asire par Senyer Zezi, napa nanryen ki enpir. Me si en dimoun i konsider en keksoz enpir, alor, sa keksoz i enpir pour li.

Akt de Zapot 10:28

I ti dir zot, “Zot konnen ki en Zwif pa devret frekant en etranze, oubyen antre dan son lakaz. Me Bondye in montre mwan ki mon pa devret konsider personn koman enpir.

Akt de Zapot 10:14

Me Pyer ti reponn, “Non Senyer! Zanmen mon'n manz nanryen ki enpir”.

Ezekyel 44:23

Zot ava ansenny mon pep diferans ant sa ki sakre avek sa ki profann e fer li konn distenksyon ant sa ki pir ek sa ki enpir.

Zeremi 51:45

Mon pep! Sorti dan sa lavil! Sov ou lavi devan gran lakoler SENYER.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Zeremi 50:8

Sove dan Babilonn! Kit pei bann Kaldeen! Fer parey bann bouk ki diriz en troupo.

Levitik 11:47

I permet zot fer diferans ant sa ki pir avek sa ki enpir; ant bann kreatir vivan ki ou kapab manze avek sa bann ki ou pa kapab manze.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Egzod 30:19

Aaron ek son bann garson ava servi sa delo pour lav zot lanmen ek zot lipye.

Nonm 8:6

Pran bann levit parmi kominote Izrael e pirifye zot.

Nonm 16:26

I ti dir avek kominote: Elwanny zot lwen avek latant sa bann move zonm. Pa tous nanryen ki pour zot, pangar zot osi, zot mor ansanm avek zot, akoz zot pese.

Nonm 19:11

En dimoun ki tous nenport lekor mor, pou reste enpir pandan set zour.

Nonm 19:16

Si en dimoun i dan laplenn e i tous lekor en zonm ki'n ganny touye oubyen ki'n mor en lanmor natirel, si i tous kadav en dimoun mor oubyen en latonm, i pou reste enpir pandan set zour.

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Zeremi 31:21

Met bann sinyal tou dilon semen; rapel byen larout ki ou ti pran kan ou ti ale. Izrael ki zoli! Retournen. Retourn dan ou bann lavil.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

1 Kronik 15:12

I ti dir zot, “Zot bann sef fanmir parmi bann Levit; pirifye zot ek zot bann frer pour zot kapab transport Kof Lalyans SENYER, Bondye Izrael, pour anmenn li dan sa landrwa ki mon'n prepare pour li.

Zakari 2:10

Zabitan Siyon i sante: Fer lafet! Akoz, la sa ki SENYER i deklare: Mon pou vini e mon pour reste parmi zot.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.