Ezai 52:1 - Labib An Kreol Seselwa

¹ Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Ezai 52:1 ပူးပေါင်းရင်းမြစ်များ

1 Kronik 16:29

Donn SENYER laglwar pour son non! Prezant li bann lofrann e antre dan son prezans! Prostern devan sentete SENYER ler i aparet!

Nehemi 11:1

Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

Egzod 28:2

Ou ava fer bann labiyman sakre pour ou frer Aaron, pour mark son loner ek son dinyite.

Egzod 28:40

Ou ava osi fer bann rob pour bann garson Aaron; bann sentir ek bann bonnen spesyal ki ava mark zot fonksyon ek zot dinyite.

Ezai 1:21

Koman eski sa lavil ki ti fidel in vin en prostitye? La kot ti annan respe pour lazistis ek ladrwatir, aprezan sa lavil i ranpli avek kriminel.

Ezai 1:26

Mon pou retabli ou bann ziz parey lontan ou bann konseye parey avan. Alor, ou pou ganny apele: Lavil lazistis. Lavil fidel.

Ezai 26:2

Ouver bann laport! Les antre sa nasyon drwat e fidel dan lafwa.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 4:3

Alor, sa ki'n reste Siyon, bann sirvivan dan Zerizalenm pou ganny apele sen. Tou sa bann ki zot non i'n ganny anrezistre pou kapab viv dan Zerizalenm.

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 49:18

Lev ou lizye e get otour ou; zot tou zot pe rasanble, zot pe vin kot ou. SENYER i deklare: Osi vre ki mon vivan, zot pou port tou, parey en zoli bizou; zot pou abiy parey en zenn marye.

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 60:1

Zerizalenm! Leve! Briye! Akoz ou lalimyer in arive e laglwar prezans SENYER in leve lo ou.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Ezekyel 44:9

La sa ki Senyer BONDYE i deklare: Okenn etranze, ki pa'n sirkonsi, dan son leker e dan son lekor, ni okenn etranze ki pe reste parmi pep Izrael, pa devre antre dan mon sanktyer.

Danyel 10:9

Mon ti antann son lavwa; mon ti antann son lavwa e mon ti tonm san konnesans, lafas ater.

Zoel 3:17

Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Nahoum 1:15

Zabitan Zida! Gete! La zot pe vini lo montanny, sa enn ki vin anons bonn nouvel: Zot anons lape. Selebre zot bann lafet, Zida; gard zot bann ve. Destrikter pa pou pas ankor parmi zot. I'n ganny konpletman detri.

Agze 2:4

Alor, la sa ki SENYER i deklare: Pran kouraz, Zorobabel! Pran kouraz, Gran-Pret Zozye, garson Yosadak! Pran kouraz zot tou ki dan sa pei! Konmans travay. SENYER liniver ki deklare,

Zakari 3:4

Lanz ti dir sa bann dimoun ki ti pe debout devan li, “Tir sa lenz sal lo li.” I ti dir avek Zozye, “Gete! La mon debaras ou avek ou pese; mon pou abiy ou dan lenz lafet.”

Matye 4:5

Alor, dyab ti anmenn Zezi ziska Zerizalenm, e met li debout lo lapwent twa Tanp.

Levanzil dapre Lik 15:22

Me son papa ti dir bann serviter: Depese, anmenn pli zoli rob pour met li. Met en bag dan son ledwa e met li son sandal dan son lipye.

Romen 13:14

Abiy zot avek nou Senyer Zezi-Kri; pa les zot ganny antrennen par zot prop natir pour satisfer zot bann dezir.

Romen 3:22

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Efezyen 4:24

Vin en dimoun konpletman nouvo, kree dan resanblans Bondye. Dimoun ava war ki zot pe viv dan en fason zis e sen ki laverite i prodwir.

Efezyen 5:14

Annefe, tou sa ki'n ganny klerman revele i vin lalimyer. Pour sa rezon nou dir: Ou ki pe dormi! Reveye! Leve parmi bann mor! Kris ava ekler ou.

Efezyen 6:10

Anfen, pran ou lafors dan linyon avek Senyer e dan son gran pwisans.

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

Revelasyon 19:14

Bann larme lesyel, abiye dan linenn blan e pir, ti swiv li lo bann seval blan.

Revelasyon 19:8

I'n ganny permisyon pour abiy dan linenn fen, klate e pir. Annefe, linenn fen i bann aksyon lazistis pep Bondye.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.