Ezai 51:5 - Labib An Kreol Seselwa

⁵ Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 51:5 ပူးပေါင်းရင်းမြစ်များ

Psonm 110:6

I pou ziz bann nasyon. Kadav i partou. Partou lo later, bann sef i ganny touye.

Psonm 67:4

Bann nasyon i rezoui e sante dan lazwa, akoz ou gouvern bann pep avek lazistis e ou gid bann nasyon lo later.

Psonm 85:9

SENYER i pare pour sov sa enn ki obei li, pour ki son laglwar i reste dan pei.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Ezai 26:4

Met ou konfyans dan SENYER pour touzour, akoz SENYER i sa Ros solid pour touzour.

Ezai 33:2

SENYER! Pran pitye pour nou! Nou'n met nou konfyans dan ou. Ou ki nou lafors tou le bomaten, nou sover dan letan maler.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 40:10

La Senyer BONDYE pe vini avek pwisans. Son lebra i donn li tou dominasyon. I anmenn saler son travay e son rekonpans i devan li.

Ezai 42:4

I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Ezai 56:1

La sa ki SENYER i deklare: Gard lazistis, e pratik sa ki drwat, akoz mon delivrans i pros pou arive. Mon plan pour sov ou pou ganny devwale.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Ezai 60:9

Zabitan bann zil pou met zot lespwar dan mwan. Bann bato sorti Tarsis, an premye ki pou anmenn ou bann garson ki sorti byen lwen, avek zot kargezon larzan ek lor pour loner non SENYER ou Bondye e pour Bondye Sen Izrael, akoz in glorifye ou.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Ezai 63:5

Mon ti gete; me ti napa personn pour ed mwan! Mon ti rod led, me personn pa ti soutenir mwan. Alor, mon lebra ki ti donn mwan laviktwar, mon lakoler ki ti soutenir mwan.

Zoel 3:12

Bann nasyon, bouze! Mont dan vale Zozafat. La, mon pou asize, pour mwan ziz tou bann nasyon dan zalantour.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Matye 3:2

Sanz zot mannyer viv, akoz Rwayonm lesyel i pros.

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Romen 2:16

Dapre Bonn Nouvel ki mon prese, sanmenm ki pou arive zour Bondye, par Zezi-Kri, ava ziz tou bann panse sekre ki dan leker dimoun.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Deterononm 30:14

O kontrer, sa parol i tre pre avek ou; i dan ou labous, i dan ou leker pour ou met li an pratik.

1 Samyel 2:10

Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.