Ezai 51:22 - Labib An Kreol Seselwa

²² La sa ki SENYER, ou Bondye ki defann lakoz son pep i deklare: Mon pe tir dan ou lanmen lakoup mon lakoler ki fer ou drive. Ou pa pou bwar ankor dan lakoup mon lakoler.

Ezai 51:22 ပူးပေါင်းရင်းမြစ်များ

Psonm 35:1

SENYER! Akiz sa bann ki akiz mwan. Atak sa bann ki atak mwan.

Psonm 60:3

Ou'n fer ou pep soufer dan letan dir. Ou'n fer nou bwar diven ki'n soul nou.

Proverb 22:23

SENYER ava pled pour zot e pran lavi sa bann ki'n pran tou avek zot.

Ezai 29:9

Reste etonnen! Pa dir nanryen! Gard lizye fermen! Pa war nanryen! Vin sou, me san bwar diven! Drive, san ki ou'n bwar labwason for!

Ezai 3:12

Zanfan ki pe kraz mon pep; fanm ki pe domin zot. Mon pep! Ou bann sef pe tronp ou. Zot pe anmenn ou dan move semen.

Ezai 3:13

SENYER in pare pour zizman. In debout pour li ziz lepep.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Zeremi 25:15

La parol ki SENYER, Bondye Izrael ti dir mwan: Pran sa lakoup ki dan mon lanmen. I ranpli avek diven mon lakoler. Al kot tou bann nasyon kot mon pou anvoy ou e fer zot bwar.

Zeremi 50:34

Me zot defanser i for. Son non i SENYER liniver. I pour entervenir dan zot faver, pour ki i anmenn lape dan pei, me ki i fer tranble bann zabitan Babilonn.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Lamantasyon 3:15

I'n ranpli mwan avek zerb anmer; i'n donn mwan labsent pour bwar.

Lamantasyon 3:58

SENYER! Ou'n pran mon defans; ou'n sov mon lavi.

Ezekyel 39:29

Mon pou devers mon Lespri lo pep Izrael. Mon pa pou zanmen detourn mon vizaz ankor kont zot. Senyer BONDYE ki deklare.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Abdyas 1:16

Annefe, parey ou'n bwar lo mon montanny sen, bann nasyon pa pou arete bwar, zot pou bwar ziska zot sou e disparet san les okenn latras.

Mise 7:9

Mon bezwen siport lakoler SENYER, akoz mon'n fer pese kont li. Me i pou defann mon lakoz ek mon drwa. I pou anmenn mwan dan lalimyer e mon pou war son lazistis.

Zakari 12:2

Mon pou fer Zerizalenm vin parey en lakoup ki soul tou bann pep dan zalantour. Zida osi pou pas parey, kan Zerizalenm pou ganny anserkle.

Matye 20:22

Zezi ti reponn, “Zot pa konnen ki zot pe demande. Eski zot pou kapab bwar sa lakoup ki mon pou bwar?” Zot ti reponn, “Nou kapab.”

1 Samyel 25:39

Ler David ti aprann lanmor Nabal, i ti dir, “Mon remersye SENYER ki vanz pour mwan kont bann lensilt Nabal. I'n anpes mwan fer sa ki mal, e i'n fer bann mesanste Nabal retonm lo son prop latet.” Apre sa, David ti anvoy demann Abigail si i ava aksepte marye avek li.