Ezai 51:14 - Labib An Kreol Seselwa

¹⁴ Prizonnyen pa pou tarde ganny libere; zot pa pou mor e desann dan lafos, ni mank dipen.

Ezai 51:14 ပူးပေါင်းရင်းမြစ်များ

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Ezai 30:20

SENYER pou donn ou dipen dan ladetres, delo dan maler. Ou Met ki ansenny ou pou la e ou pou war li avek ou prop lizye.

Ezai 33:6

Ou lavenir, pou dan sekirite. Li menm ou delivrans, ou konnesans, ou lasazes. Respe pour SENYER, sanmenm trezor Siyon.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 52:2

Zerizalenm! Leve, sorti dan lapousyer. Repran ou plas! Fiy Siyon! Detas sa lasenn kaptivite dan ou likou!

Zeremi 37:16

Zeremi ti ganny anfermen dan en kaso souteren, kot i ti reste en bon pe letan.

Zakari 9:11

Ou osi, akoz lalyans avek ou ki mon'n sele par disan, mon pou liber ou bann prizonnyen ki dan lafos kot napa delo.