Ezai 51:13 - Labib An Kreol Seselwa

¹³ Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 51:13 ပူးပေါင်းရင်းမြစ်များ

Ester 5:14

Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Liv Zob 37:18

Eski ou kapab kre lesyel parey li e fer li klate parey en laglas an metal?

Liv Zob 9:8

Li tousel, i ti tal lesyel e mars lo bann laroul dan lanmer.

Psonm 104:2

Lalimyer i anvlop ou parey en dra; ou'n etal lesyel parey en tapi.

Psonm 106:13

Me zot ti vit oubliy sa ki i ti'n fer; zot pa ti esper son konsey.

Psonm 76:10

Menm lakoler bann imen i rann ou glwar; ou antour ou avek leres ou lakoler.

Ezai 10:24

Alor, la sa ki Senyer BONDYE liniver i deklare: Mon pep ki viv dan Siyon! Pa bezwen per bann Asiriyen ki bat ou avek roten e lev zot baton kont ou parey bann Ezipsyen ti fer.

Ezai 14:4

ou ava sant sa sanson lo lerwa Babilonn: Ki'n arive avek sa diktater? Son larogans in disparet? I nepli kapab ensilte?

Ezai 16:4

Les bann refizye ki sorti Moab vin reste kot ou! Donn zot labri kot ou. Protez zot kont sa destrikter. Zour bann devastasyon ava'n arete, e ki bann destriksyon ava'n fini, bann diktater ava'n disparet dan pei.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 40:21

Eski zot pa ti konnen? Eski zot pa'n tande? Pa in ganny dir depi konmansman? Zot pa ankor konpran ki mannyer in ganny formen?

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Ezai 7:4

Ou ava dir li: Fer atansyon! Reste kalm! Pa bezwen per. Pa les lakoler sa de zans dekouraz ou. Zot zis de tizon kot lafimen i ankor pe sorti.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 38:19

Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”

Zeremi 41:18

Annefe, zot ti per bann Babilonyen depi ki Ismael ti'n asasin Gedalya, ki lerwa Babilonyen ti'n nonmen koman gouverner Zida.

Zeremi 51:15

SENYER in kree later par son pwisans. Avek son lasazes i ti kree lemonn; par son disernman, in deroul lesyel.

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:18

Menm si i pa fer li, nou fer ou konnen, ki nou pa pou servi ou bann bondye e nou pa pou ador sa stati annor ki ou'n fer.”

Danyel 3:19

Alor, Naboukodonozor ti pran en gran lakoler kont Sadrak, Mesak ek Abed-Nego ki son figir ti sanz kouler. I ti donn lord pour sof fourno set fwa pli so ki labitid.

Akt de Zapot 12:23

Me dan sa menm moman, en lanz Senyer ti frap Herod, akoz i pa ti rann Bondye loner ki i merite. Lever ti devor li e i ti mor.

1 Korentyen 1:20

Alor, oli sa enn ki saz? Oli sa profeser Lalwa? Oli ou bann gran kozer dan lemonn? Bondye i'n demontre ki lasazes lemonn i en lafoli.

1 Korentyen 15:55

Lanmor! Oli ou laviktwar? Lanmor! Oli ou dart?

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.

Deterononm 6:12

fer atansyon ou pa oubliy SENYER ki ti fer ou sorti dan pei Lezip kot ou ti dan lesklavaz.

Deterononm 8:11

Fer atansyon ou pa oubliy SENYER, ou Bondye e neglize obzerv son bann komannman, lalwa ek regleman ki mon pe ordonn ou ozordi.

Ebre 11:15

Si zot ti'n kontinyen mazin sa pei ki zot ti'n kite, zot ti ava'n ganny letan retourn laba.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 20:9

Zot larme ti al lo later antye. Zot ti anserkle kan pep Bondye ek lavil byenneme. Me dife ti desann sorti dan lesyel e detri zot tou.