Ezai 51:1 - Labib An Kreol Seselwa

¹ Zot, ki rod lazistis! Zot, ki rod SENYER, ekout mwan! Lev zot lizye ver sa ros dan lekel zot ti ganny taye, ver sa karyer kot zot sorti.

Ezai 51:1 ပူးပေါင်းရင်းမြစ်များ

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 15:4

Me, dan zot maler, zot in tourn ver li e i'n les zot trouv li.

Psonm 24:6

Konmsa menm zot pou ete, bann ki rod Bondye e tourn ver Bondye Zakob.

Psonm 94:15

Zizman ava reganny donnen dapre lazistis. Dimoun ki leker i drwat ava aksepte sa bann zizman.

Proverb 15:9

SENYER i deteste mannyer fer en malfeter; me i kontan sa enn ki rod lazistis.

Proverb 21:21

Sa enn ki rod lazistis ek lafidelite, pour dekouver lavi, lazistis ek loner.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Ezai 48:12

Zakob! Ekout mwan. Izrael mon'n apel ou: Mwan menm premye; mwan menm dernyen.

Ezai 51:4

Mon pep! Ekout mwan! Mon nasyon! Port atansyon akoz mon pe al donn en lansennyman e mon lazistis pou en lalimyer lepep.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Ezai 55:6

Rod SENYER letan zot ankor kapab trouv li, apel li letan i lanmenm pros.

Ezai 65:10

Saronn pou vin en laplenn kot mouton ava vin manze. Vale Akor, en landrwa kot bef ava vin repoze, pour benefis mon pep ki'n rod mwan.

Amos 5:6

Swiv SENYER e ou ava viv. Parey en dife, SENYER pou bril desandan Zozef. I pou devor Betel, san ki personn i kapab tenny li.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Matye 5:6

Byennere bann ki lafen e swaf lazistis, akoz zot pou rasazye!

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Romen 10:3

Dan zot linyorans lazistis Bondye, zot in esey rod fason pour etablir zot prop lazistis. Zot in refize soumet zot anba lazistis Bondye.

Romen 14:19

Alor, annou rod sa bann keksoz ki prodwi lape, e rann nou for ansanm dan lafwa.

Filipyen 3:13

Mon bann frer ek ser! Mon pa dir ki mon'n fini ganny sa pri, me mon fer en sel keksoz: Mon oubliy tou sa ki deryer mwan, e mon fer tou pour ganny sa ki devan mwan.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.