Ezai 50:2 - Labib An Kreol Seselwa

² Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 50:2 ပူးပေါင်းရင်းမြစ်များ

Zenez 18:14

Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

2 Kronik 32:15

Aprezan, pa les Ezekyas tronp zot e anmenn zot dan move semen. Pa krwar li! Napa okenn bondye parmi sa bann nasyon ki'n kapab delivre son pep dan mon lanmen, ni dan lanmen mon bann zanset. Alor, pa krwar ki zot bann bondye pou kapab delivre zot dan mon lanmen.

Psonm 106:9

I ti komann lanmer Rouz e lanmer ti vin sek. I ti fer zot travers dan fon lanmer, konmsi zot ti pe travers dezer.

Psonm 107:33

I fer bann larivyer vin dezer; i fer bann sours aret koule.

Egzod 14:21

Alor, Moiz ti lev son lanmen lo lanmer. Pandan tou lannwit, SENYER ti fer lanmer rekile par en gro divan Les, e fer lanmer vin sek.

Egzod 14:29

Me bann Izraelit ti mars lo later ferm dan milye lanmer, avek en miray delo lo zot kote drwat e lo zot kote gos.

Egzod 7:18

Pwason ki dan larivyer pou mor e larivyer Nil pou vin en piyanter; bann Ezipsyen pa pou kapab bwar delo larivyer Nil.”

Egzod 7:21

Bann pwason dan larivyer ti mor. Larivyer ti vin en piyanter; bann Ezipsyen pa ti kapab bwar delo larivyer Nil. Disan ti'n repann partou dan pei Lezip.

Proverb 1:24

Akoz mon ti apel zot, me zot ti refize; akoz mon ti donn zot lanmen, me personn pa ti port atansyon;

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Ezai 19:5

Larivyer Nil pou sek; i pou vin konpletman sek.

Ezai 23:11

SENYER in lev son lanmen lo lanmer; in sekwe bann rwayonm. SENYER in donn lord detri bann fortifikasyon bann Kananeen.

Ezai 36:20

Lekel parmi bann bondye sa bann pei, ki'n deza sov zot pei dan mon lanmen, pour ki SENYER i sov Zerizalenm dan mon lanmen?

Ezai 41:28

Mon ti gete: Napa personn parmi zot ki ti kapab donn en konsey; Napa personn parmi zot ki ti kapab reponn.

Ezai 42:15

Mon pou detri bann montanny ek bann kolin e fer sek tou sa ki pouse. Mon pou fer bann larivyer vin zil e fer sek bann lanmar.

Ezai 43:16

La sa ki SENYER i deklare: Sa enn ki ouver en semen dan lanmer, en santye atraver bann gro laroul,

Ezai 44:27

Mwan ki dir avek losean: Vin sek. Mon pou fer sek bann larivyer.

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezai 54:6

SENYER in apel ou ankor; parey en fanm ki son mari in abandonn li, ki dan traka, parey en fanm ki son mari, lanmoure son lazenes in rezete, ou Bondye i dir:

Ezai 59:1

Pa krwar lebra SENYER i tro kourt pour li pa kapab sove; ni son zorey tro dir pour li pa tande.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Ezai 63:13

I ti kondwir zot dan bann profonder e parey en seval dan dezer zot pa ti tonbe.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Ezai 66:4

Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Zeremi 35:14

Bann desandan Yonadab, garson Rekab, in obei lord ki zot papa ti donn zot: Zot pa pou zanmen bwar diven. Mwan, mon pa'n zanmen aret koz avek zot; me zot pa'n ekout mwan.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Zeremi 7:27

Alor, mon demann ou Zeremi, al dir mon pep tousala. Me zot pa pou ekout ou. Ou pou apel zot an mon non, me zot pa pou reponn ou.

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:29

Alor, mon ordonn tou bann pep, tou zabitan ki sorti dan diferan pei e ki koz bann diferan langaz: Okenn dimoun ki koz kont Bondye Sadrak, Mesak e Abed-Nego, pou ganny touye e zot lakaz pou ganny detri, akoz napa okenn lot Bondye ki kapab anmenn delivrans parey.”

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 6:27

I delivre e i sove. I akonpli bann siny ek mervey dan lesyel e lo later. I'n delivre Danyel dan grif bann lyon.

Oze 11:2

Plis mon apel zot, plis zot elwanny zot avek mwan; zot kontinyen ofer sakrifis devan Baal, e ofer lansan devan bann zidol.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Habakouk 3:8

SENYER! Eski ou gran lakoler ti kont bann larivyer? Alor, ou gran lakoler i kont bann larivyer e kont lanmer, kan ou mont lo ou bann seval ek ou bann kales pour laviktwar.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Mark 4:39

Zezi ti leve e menas divan. I ti dir avek delo, “Silans! Reste trankil!” Alor, divan ti tonbe, e partou ti kalmi.

Levanzil dapre Zan 1:11

I ti vin parmi son prop zans, me zot pa ti aksepte li.

Levanzil dapre Zan 3:19

La ki mannyer Bondye pou pas son zizman: Lalimyer in vin dan lemonn, me akoz zot bann move aksyon, dimoun in pli kontan fernwanr.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.