Ezai 5:6 - Labib An Kreol Seselwa

⁶ Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 5:6 ပူးပေါင်းရင်းမြစ်များ

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 8:35

Kan lesyel i fermen, e lapli pa tonbe akoz pep Izrael in komet pese kont ou; si zot priye dan sa lakaz, si zot loue ou non e abandonn zot pese akoz ou'n pini zot,

Liv Zob 31:40

alor, mon demann zarbis pikan pouse dan plas dible, e move zerb dan plas lorz. Sa i bann parol Zob.

Proverb 24:31

Move zerb ti pe pouse partou, move zerb ti'n kouver later e bann miray ti'n tonbe.

Ezai 24:12

Lavil i dan dezolasyon; bann laport in degrennen, e zot in tonm anrin.

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Ezai 32:10

Dan ankor en pe plis ki enn an, zot ki annan konfyans dan zot menm, zot pou tranble akoz pou nepli annan rekolt e pou nepli annan rezen.

Ezai 49:19

I vre ki ou bann zabitan pou santi zot sere lo sa later ki'n ganny devaste, en landrwa dezer, en landrwa ki'n ganny detri, e bann ki ti oule devor ou ava'n fini ale.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 7:19

Zot pou vin apoz dan bann presipis, dan lafant ros, lo bann zarbis e dan laplenn zerb.

Zeremi 14:1

La sa ki SENYER ti dir Zeremi lo size lasesres:

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 25:11

Tou sa pei pou vin en larin, en landrwa devaste. Tou sa bann nasyon pou anba dominasyon lerwa Naboukodonozor pandan 70 an.

Zeremi 45:4

La sa ki ou ava dir li: Mon pe al demoli sa ki mon ti'n konstri; mon pe al derasin sa ki mon ti'n plante partou dan pei.

Lamantasyon 2:6

I'n defons son miray konmsi baraz en zarden e detri landrwa kot zot rankontre. SENYER in fer pep Izrael oubliy bann zour lafet ek saba. Dan son gran lakoler, in abes bann lerwa ek bann pret.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Zoel 1:7

Zot in devaste mon plantasyon rezen; mon pye fig in ganny manze. Zot in ronz son lekors, son bann brans in vin blan.

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Revelasyon 11:6

Zot annan pouvwar ferm lesyel pour ki lapli pa tonbe pandan letan ki zot pe profetize. Zot annan pouvwar sanz delo an disan. Zot osi annan pouvwar frap later avek toudsort kalite fleo sak fwa ki zot oule.