Ezai 5:30 - Labib An Kreol Seselwa

³⁰ Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Ezai 5:30 ပူးပေါင်းရင်းမြစ်များ

Eklezyas 12:2

Avan sa bann zour kan laklerte soley i vin sonm, lalin ek bann zetwal i tennyen e ki bann nyaz i retournen apre lapli;

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Ezai 13:4

Ekout sa tapaz ki sorti dan montanny! I parey en gran lafoul. Ekout sa soulevman bann rwayonm, bann nasyon ki'n rasanble! Sa SENYER liniver ki pe enspekte son bann troup avan konba.

Ezai 17:12

Maler! Tapaz en gran kantite dimoun i parey loraz. Tapaz ki zot fer i parey ronfleman lanmer.

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!

Ezai 59:9

Pour sa rezon ki lazistis i reste lwen avek nou e lazistis pa ariv ziska kot nou. Nou esper lalimyer, me i annan zis fernwanr. Nou esper lizour, me nou pe mars dan teneb.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 30:5

La sa ki SENYER i deklare: Nou antann en tapaz ki fer per; en gran lafreyer ki pa anmenn lape.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Lamantasyon 3:2

I'n pous mwan devan li; i pa'n fer mwan mars dan lalimyer, me dan fernwanr.

Ezekyel 26:3

Alor, la sa ki Senyer BONDYE i deklare: Tir! Mon pou pran aksyon kont ou. Parey lanmer i anvoy son bann laroul, mon pou anvoy bann nasyon kont ou.

Zoel 2:10

Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Amos 8:9

La sa ki Senyer BONDYE i deklare: Sa zour la, mon pou fer soley kouse midi, e lannwit pou vin lizour lo later.

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Revelasyon 6:12

Kan Zenn Mouton ti ouver sizyenm sele, mon ti gete: Ti annan en gran tranblemandter. Soley ti vin nwanr koman en lenz dey; lalin antye ti vin rouz koman disan.