Ezai 5:25 - Labib An Kreol Seselwa

²⁵ Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 5:25 ပူးပေါင်းရင်းမြစ်များ

1 Rwa 14:11

Tou manm lafanmir Zeroboanm ki mor dan lavil, pou ganny manze par lisyen e sa ki mor dan lakanpanny, pou ganny devore par zwazo.” SENYER ki pronons sa parol:

1 Rwa 16:4

Tou manm ou fanmir ki mor dan lavil pou ganny devore par lisyen, e tou sa ki mor dan lakanpanny pou ganny devore par zwazo.

1 Rwa 21:24

Sa enn dan fanmir Akab ki mor dan lavil, lisyen pou manze; sa enn dan son fanmir ki mor dan lakanpanny, zwazo pou manze.”

2 Rwa 13:3

SENYER ti ankoler avek Izrael; i ti toultan livre zot dan lanmen Azael, lerwa Lasiri, e dan lanmen Benn-Hadad, garson Azael.

2 Rwa 9:37

Son lekor pou vin fimyen dan porsyon later dan Zizreel e personn pou nepli kapab dir: Zezabel sa.”

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Liv Zob 9:13

Bondye pa kontrol son lakoler. In kraz bann ki ed Rahab.

Psonm 106:40

Alor, lakoler SENYER ti monte kont son pep e i ti degout zot.

Psonm 114:7

Later! Tranble devan SENYER, devan Bondye Zakob

Psonm 18:7

Alor, later ti tranble e ganny sekwe; bann fondasyon montanny ti osi tranble. Zot ti osi sekwe, akoz SENYER ti'n ankoler.

Psonm 68:8

devan ou, Bondye Sinai! Devan ou, Bondye Izrael! Later ti tranble, lapli ti deverse depi lesyel.

Psonm 77:18

Tapaz ou loraz ti roule dan en tourbiyon; ou zekler ti alim lemonn; later ti tranble e sekwe.

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Psonm 83:10

Zot ti ganny detri Andor e ganny servi koman fimyen pour angres later.

Egzod 7:19

SENYER ti dir Moiz, “Dir Aaron: Pran ou baton e lev ou lanmen lo tou bann delo ki annan dan Lezip: Larivyer, brans larivyer Nil, lanmar ek tou bann rezervwar delo. Zot ava vin disan e disan ava repann partou dan Lezip, ziska dan bann resipyan an bwa e an pyer.”

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 14:19

Me ou, ou'n ganny zete deor ou latonm. Ou parey en zanfan ki'n mor an nesan. Ou parey bann lekor mor ki'n ganny perse avek lepe e ki'n ganny zete lo ros dan trou, parey en kadav ki'n ganny kraze anba lipye.

Ezai 23:11

SENYER in lev son lanmen lo lanmer; in sekwe bann rwayonm. SENYER in donn lord detri bann fortifikasyon bann Kananeen.

Ezai 25:11

Menm si zot ava lev zot lanmen la kot zot ete, parey en nazer i anvoy lanmen ler i naze, zot lorgey pou ganny abese.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Ezai 64:3

Ler ou ti fer bann keksoz terib ki nou pa ti pe ekspekte, ou ti desann e bann montanny ti tranble devan ou.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Ezai 66:24

Ler zot pou sorti, zot pou war kadav bann zonm ki'n revolte kont mwan. Zot bann lever pa pou mor, zot dife pa pou tennyen; zot pou en keksoz degoutan pour tou dimoun.

Ezai 9:11

Alor, SENYER in dres kont Izrael, bann lennmi sorti Resin.

Ezai 9:16

Bann dirizan sa pep in anmenn zot lo move semen; dimoun in ekout zot in tonm dan konfizyon.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Ezai 9:20

Zot devor kanmarad lo kote drwat, me zot ankor lafen; zot devor lo kote gos, me zot pa ankor rasazye. Zot devor laser zot prop zanfan.

Ezai 9:21

Manase in devor Efraim; Efraim in devor Manase. Zot ti fer konplo kont Zida. Malgre tousala, lakoler SENYER pa'n tonbe; son lanmen i ankor menasan.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zeremi 6:12

Zot lakaz pou pas dan lanmen en lot dimoun, ansanm avek zot later ek zot fanm, SENYER i deklare. Wi! Mon pou pini zabitan sa pei.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Zeremi 9:22

La sa ki SENYER i deklare: Bann kadav in fannen partou, parey ta fimyen dan en plantasyon. Zot parey bann zepi ki'n ganny koupe e ki pa'n ganny rekolte. Napa personn pour ranmase.

Lamantasyon 5:22

Eski ou'n vreman rezet nou pour touzour? Eski ou telman ankoler kont nou?

Ezekyel 15:6

Alor, la sa ki Senyer BONDYE i deklare: Parmi tou pye dibwa lafore, dibwa pye rezen ki mon prefere zet dan dife e les li brile. Mon pou bril zabitan Zerizalenm parey.

Ezekyel 30:25

Mon pou fer lebra lerwa Babilonn vin for, me lebra Faraon pou tonm anpandan. Alor, zot ava konnen ki mwan menm SENYER. Mon pou met mon lepe dan lanmen lerwa Babilonn e i pou pran aksyon kont Lezip.

Ezekyel 6:14

Mon pou montre zot mon pwisans. Mon pou detri zot pei e fer tou zabitan disparet depi dezer dan Sid ziska Ribla dan Nor. Alor, zot ava konnen ki mwan menm SENYER.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Amos 8:8

Pour sa rezon, later pou tranble. Tou bann zabitan pou an dey. Pei antye pour ganny sekwe; i pou leve e desann parey larivyer Nil dan Lezip.

Mise 1:4

Bann montanny pou fonn anba son lepa, e bann vale pou ouver. Zot pou fonn parey lasir devan dife, parey delo ki koule lo en lapant.

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 31:18

Sa zour, mon pou sirman detourn mon ledo avek zot, akoz tou sa bann move keksoz ki zot in fer depi ki zot in abandonn mwan e al ador lezot bondye.

1 Tesalonisyen 2:16

Annefe, zot in esey anpes nou anons avek bann ki pa Zwif sa mesaz ki pou sov zot. Konmsa, zot in kontinyen ranpli zot avek pese e zot in menm depas limit. Ensi, lakoler Bondye in finalman tonm lo zot.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.