Ezai 5:24 - Labib An Kreol Seselwa

²⁴ Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 5:24 ပူးပေါင်းရင်းမြစ်များ

Ezai 30:12

Alor, la sa ki Bondye Sen Izrael i deklare: Akoz ou rezet sa parol e met ou konfyans dan vyolans ek mansonz e ki ou kont lo zot, ki ou apiy lo la,

Liv Zob 18:16

Anba, son rasin pe sek anler, son bann brans pe fletri.

Levanzil dapre Lik 3:17

Son fours i dan son lanmen pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Zoel 2:5

Zot fer tapaz, konmsi bann kales lager ki pe sote lo latet montanny. Ou ava krwar en dife ki pe bril lapay sek. Zot met zot annord parey en gran larme, pare pour lager.

Ezai 47:14

Zot parey lapay; en dife pou bril zot; zot pa pou kapab sape dan pouvwar son laflanm. Sa, pa labrez kot ou kwi dipen, ni dife kot ou asiz devan.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Egzod 15:7

Dan grander ou mazeste, ou detri ou lennmi. Ou anvoy ou lakoler e zot ganny brile parey lapay.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

Akt de Zapot 13:41

Gete, zot ki kontan boufonnen, reste etonnen, e disparet! Annefe, mon pou fer en mervey, dan zot letan; si dimoun ti ava rakont zot, zanmen zot ti pou krwar.

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Lik 7:30

Me bann Farizyen ek bann profeser Lalwa, ti rezet sa ki Bondye ti oule fer pour zot. Zot ti refiz batenm Zan.”

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Oze 9:16

Efraim in fletri, son rasin in sek; i pa pou raport ankor okenn fri. Si zot fanm i ganny zanfan, mon pou touy bann fri presye ki dan zot vant.

Oze 5:12

Mon pou parey en labse pour Efraim e en lapouritir pour pep Zida.

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Ezai 8:6

Akoz pep Zida in refiz delo Siloe ki koul dousman e ki zot fonn avek lafreyer devan Resin e devan garson Remalia,

Psonm 50:17

ou ki pa aksepte ganny korize e ki rezet mon parol?

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

1 Samyel 15:26

Samyel ti dir Sail, “Mon pa pou retourn avek ou akoz ou'n rezet parol SENYER e SENYER i rezet ou: Ou pou nepli lerwa lo Izrael.”

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

2 Rwa 19:22

Lekel ki ou'n ensilte e meprize? Kont lekel ki ou'n lev ou lavwa e lev en regar ensolan Kont Bondye Sen Izrael!

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Oze 11:9

Mon pa pou les monte mon gran lakoler; mon pa pou detri Efraim ankor; akoz mon pa en zonm, mwan Bondye, sa Enn ki sen i parmi zot, mon pa pe vin kot zot avek lakoler.

Egzod 5:12

Alor, lepep ti al partou dan Lezip pour ranmas lapay e koup an morso.

Deterononm 28:24

Olye lapli lo ou later, SENYER pou fer tonm lapousyer. Zis lapousyer ki pou tonm lo ou depi lesyel, ziska ki ou ava ganny detri.

Liv Zob 8:17

Son bann rasin i trese dan ta ros, i anfonse parmi bann ros.

Ezekyel 15:6

Alor, la sa ki Senyer BONDYE i deklare: Parmi tou pye dibwa lafore, dibwa pye rezen ki mon prefere zet dan dife e les li brile. Mon pou bril zabitan Zerizalenm parey.

Amos 2:4

La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.