Ezai 5:21 - Labib An Kreol Seselwa

²¹ Maler lo sa bann ki krwar zot saz, ki krwar zot entelizan!

Ezai 5:21 ပူးပေါင်းရင်းမြစ်များ

Liv Zob 11:12

Latet en imen i vid; kan i ne, i parey en bourik sovaz.

Proverb 26:12

I annan plis lespwar rankontre en fou, ki rankontre en zonm ki krwar i saz.

Proverb 26:16

Sa enn ki pares i krwar i pli saz ki set zonm ki reponn avek disernman.

Proverb 3:7

Pa krwar ou tro saz; annan respe pour SENYER e elwanny avek sa ki mal.

Ezai 10:13

Annefe, sa lerwa in dir: Tou sa ki mon'n fer, se par mon lafors ek mon lasazes, akoz mon entelizan. Mon'n tir frontyer ki separ bann nasyon e mon'n sezi bann trezor. Mon'n tir bann lerwa lo zot tronn parey en toro.

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Ezai 40:23

I abes bann sef e rann bann dirizan later koman nanryen ditou.

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Levanzil dapre Zan 9:41

Zezi ti reponn zot, “Si zot ti aveg zot pa ti pou koupab; me akoz zot dir: Nou war kler, alor zot pe reste dan zot pese.”

Romen 1:22

Zot pretann ki zot savan, me zot in vin plito fou.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.