Ezai 5:20 - Labib An Kreol Seselwa

²⁰ Maler lo zot ki apel sa ki byen, mal e sa ki mal, byen; ki sanz fernwanr pour lalimyer e lalimyer pour fernwanr; ki fer krwar anmer sa ki dou e dou sa ki anmer.

Ezai 5:20 ပူးပေါင်းရင်းမြစ်များ

Liv Zob 17:12

Zot pretann ki lannwit i lizour; zot dir ki lalimyer i pros avek fernwanr.

Egzod 23:7

Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Proverb 17:15

SENYER i deteste sa enn ki deklar en koupab inosan e sa enn ki kondann en inosan.

Proverb 4:17

Annefe, zot viv lo mesanste e zot bwar diven lavyolans.

Ezai 24:9

Zot nepli bwar diven e sante; labwason for in vin anmer pour bann bwarer.

Ezai 29:21

Sa bann ki fer fos akizasyon, ki met en latrap pour bann ziz devan laport lavil e ki, san okenn rezon, fer en inosan ganny kondannen.

Ezai 30:10

Zot dir avek bann vwayan: Aret ganny vizyon! E bann profet: Pa anons nou sa ki vre; dir nou keksoz ki gou, sa ki fer nou kontinyen reve.

Ezai 32:5

Pou nepli apel en dimoun fou, nob, ni dir en fourb, onorab.

Ezekyel 13:19

Zot in dezonor mwan devan mon pep pour detrwa ponnyen lorz ek detrwa morso dipen. Par zot mansonz avek mon pep ki ekout zot, zot in touy dimoun ki pa merit lanmor e les viv sa bann ki pa devre viv.

Amos 5:7

Pour zot, lalwa i anmer e zot trenn lazistis dan labou.

Mise 3:2

Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Habakouk 1:4

Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.