Ezai 5:17 - Labib An Kreol Seselwa

¹⁷ Bann mouton pou rod zerb dan bann debri lavil konmsi zot ti dan zot laplenn; bann pti kabri pou manz parmi larin lavil.

Ezai 5:17 ပူးပေါင်းရင်းမြစ်များ

Nehemi 9:37

Tou son kantite prodwi, i pour bann lerwa ki ou'n plas lo nou latet, akoz nou bann pese. Zot domin lo nou ek nou bann troupo e nou dan en gran soufrans!

Psonm 119:70

Zot leker i ensansib, kouver avek lagres; me mon pran plezir dan ou lalwa.

Psonm 17:10

Zot leker i san okenn pitye. Zot labous i koz avek larogans.

Psonm 17:14

SENYER! Dan ou pwisans, sas zot lo ou later, lwen avek bann zabitan lemonn. Sanmenm sa par ki zot merite dan sa lavi. Fors zot manz sa ki ou'n rezerve pour zot. Zot bann zanfan ava rasazye e gard en pe pour zot bann pti zanfan.

Psonm 73:7

Zot lizye i boufi avek lagres; zot leker i deborde avek mesanste.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 17:2

Son bann lavil in ganny abandonnen pour touzour. Zot ava bann landrwa kot troupo ava vin repoze, e personn pa pou fer zot per.

Ezai 32:14

Ou pale pou ganny abandonnen; ou lavil anfet pour ganny dezerte; ou kolin ek son bann tour pour vin en kavern pour touzour. La, bourik sovaz pou kontan vini e bann troupo pou vin manz zerb,

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 65:10

Saronn pou vin en laplenn kot mouton ava vin manze. Vale Akor, en landrwa kot bef ava vin repoze, pour benefis mon pep ki'n rod mwan.

Ezai 7:25

Ou pa pou oze al dan bann kolin pour kiltive, akoz bann zarbis pikan. Zot pou vin en laplenn zerb kot bef ek mouton pou viv larg e lib.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Oze 4:16

Izrael i retif parey en zenis ki refize bouze. Eski SENYER pou tret li parey mouton dan laplenn?

Oze 8:7

Zot in senm divan; zot pou rekolte tanpet. Dible ki ou plante pa pou donn ou lafarin; si i donnen, bann etranze ki pou manze.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Sofoni 2:14

Bann troupo ek tou kalite zannimo pou viv la: Ibou ek katiti pou pas lannwit parmi son bann kolonn. Zwazo pou vin kriy obor lafnet. Larin i partou, depi lantre, akoz bann lanbri an sed in ganny arase.

Sofoni 2:6

Ou borlanmer pou vin bann laplenn zerb pour bann berze, bann park pour bann troupo.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.