Ezai 5:1 - Labib An Kreol Seselwa

¹ Mon anvi sant pour mon lanmoure en sanson lo son plantasyon rezen: Mon lanmoure ti annan en plantasyon rezen lo en kolin fertil.

Ezai 5:1 ပူးပေါင်းရင်းမြစ်များ

Psonm 101:1

Mon pou sant ou fidelite ek ou lazistis. Mon pou sant pour ou SENYER.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 60:5

Par ou pwisans, donn nou laviktwar; reponn nou e delivre bann ki ou kontan.

Psonm 80:8

Ou'n pran en plan rezen Lezip. Ou'n sas son bann zabitan e ou'n replant li.

Kantik Salomon 2:16

Mon byenneme i pour mwan e mon pour li. I fer son troupo manz parmi bann lis ki'n fleri.

Kantik Salomon 5:16

Son labous i dou; mon anvi son lekor antye. Bann fiy Zerizalenm? Li menm mon byenneme, li menm mon zanmi.

Kantik Salomon 5:2

Mon ti pe dormi; me mon leker ti reste reveye. Mon antann mon byenneme ki pe tap lo laport: Mon pti ser, mon zanmi, mon Tourtrel, ou ki parfe, ouver! Mon latet i kouver avek laroze; e mon seve i mouye par bann gout laroze lannwit.

Kantik Salomon 6:3

Mon lanmoure i pour mwan e mwan, mon pour mon byenneme ki sonny son troupo parmi bann lis.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Ezekyel 15:2

Ou ki en imen, reponn! Ki mannyer dibwa pye rezen i diferan avek lezot dibwa? Eski son brans i annan plis valer ki brans lezot pye dibwa dan lafore?

Ezekyel 19:10

Ou manman ti parey en pye rezen ki'n ganny plante obor en larivyer. Akoz i ti ganny bokou delo, son bann brans ti tale e sarze avek fri.

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Matye 21:33

Zezi ti dir, “Ekout ankor en lot parabol: En zonm ti'n plant en plantasyon rezen. I ti fer en baraz toultour. I ti fouye pour fer en preswar diven, e i ti fer en tour pour gardyen. Apre, i ti lwe sa plantasyon avek bann planter e i ti al vwayaze.

Mark 12:1

Apre, Zezi ti koz avek zot an parabol. I ti dir zot, “En zour, en zonm ti plant en plantasyon rezen. I ti met en miray toultour. I ti fouye pour fer en preswar diven. I ti fer en tour pour en gardyen. Apre, i ti kit sa plantasyon rezen avek bann lokater e i ti al an vwayaz.

Levanzil dapre Lik 20:9

Zezi ti rakont lepep sa parabol, “En zonm ti plant en plantasyon rezen ki i ti lwe avek bann planter. Apre, i ti al fer en vwayaz pour en bon pe letan.

Levanzil dapre Zan 15:1

“Mwan menm vre pye rezen, e mon Papa i zardinyen.

Deterononm 8:10

Ou ava manze ziska ki ou ava rasazye; ou ava alor, beni SENYER, ou Bondye pour sa pei ki i'n donn ou.

Deterononm 8:7

SENYER, ou Bondye pe fer ou antre dan en bon pei, en pei kot i annan bann larivyer, bann sours delo ek bann sours souteren ki vin koul dan bann vale e dan bann kolin.