Ezai 49:9 - Labib An Kreol Seselwa

⁹ pour ou dir avek bann prizonnyen: Sorti! Avek dimoun ki viv dan fernwanr: Montre zot! Zot pou kapab ganny nouri dan semen e lo bann montanny.

Ezai 49:9 ပူးပေါင်းရင်းမြစ်များ

Psonm 102:20

pour li ekout bann prizonnyen plennyen e delivre bann ki ti'n ganny kondannen amor.

Psonm 146:7

I azir dapre lazistis an faver bann ki ganny kraze; i donn manze sa enn ki lafen. SENYER i delivre bann prizonnyen.

Psonm 22:26

Bann pov ava kapab manze ziska zot rasazye. Dimoun ki rod SENYER pou loue li. Zot ava viv pour touzour!

Psonm 69:33

Annefe, SENYER i ekout dimoun ki dan bezwen. I pa rezet son bann fidel ki dan prizon.

Ezai 41:18

Mon pou fer larivyer koule sorti dan montanny sek e bann sours sorti dan milye bann vale. Mon pou fer dezer vin en lak; sours pou koule dan bann teren sek.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 42:7

pour ou ouver lizye bann aveg, pour ou liber bann prizonnyen ki dan kaso, e fer sorti an konsiny bann ki reste dan fernwanr.

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Ezai 5:17

Bann mouton pou rod zerb dan bann debri lavil konmsi zot ti dan zot laplenn; bann pti kabri pou manz parmi larin lavil.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 65:13

Alor, la sa ki Senyer BONDYE i deklare: Mon bann serviter pou manze, me zot, zot pou reste lafen. Mon bann serviter pou bwar, me zot, zot pou kontinyen swaf. Mon bann serviter pou dan lazwa, me zot, zot pou dan laont.

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 34:29

Mon pou fer zot bann plantasyon vin renonmen; zot pou nepli soufer lafen dan sa pei e zot pa pou kontinyen ganny ensilte par lezot nasyon.

Zoel 3:18

Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.

Levitik 25:54

Si i pa'n ganny reaste dan okenn sa bann fason, li avek son bann zanfan, ava ganny libere dan lannen zibile.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Levanzil dapre Zan 10:9

Mwan menm laport; sa enn ki antre par mwan, pou ganny sove. I pou antre e sorti, e i pou trouv dekwa manze.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Efezyen 5:14

Annefe, tou sa ki'n ganny klerman revele i vin lalimyer. Pour sa rezon nou dir: Ou ki pe dormi! Reveye! Leve parmi bann mor! Kris ava ekler ou.

Efezyen 5:8

Lontan zot ti viv dan fernwanr; me aprezan, zot in vin lalimyer ini avek Senyer. Alor, mars koman zanfan lalimyer,

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

Kolosyen 1:13

Annefe, i'n fer nou sorti dan pwisans teneb e i'n transfer nou dan rwayonm son Garson byenneme.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.