Ezai 48:6 - Labib An Kreol Seselwa

⁶ Ou tande! Get tou sa ki'n arive. Eski ou pa pou anonse? Apartir konmela, mon pe fer ou antann bann keksoz nouvo, bann keksoz ki mon'n gard sekre e ki ou pa ti konnen.

Ezai 48:6 ပူးပေါင်းရင်းမြစ်များ

Psonm 107:43

Bann ki saz! Pran kont lo tousala e konpran ki SENYER i fidel.

Psonm 119:13

Mon labous i repet tou bann desizyon ki ou prononse.

Ezai 21:10

Ou mon pep ki'n ganny bate parey dible an plenner, mon'n fer anons zot sa ki mon'n tande, sorti kot SENYER liniver, Bondye Izrael.

Ezai 42:20

I war en kantite keksoz, me i pa fer atansyon. Son zorey i ouver, me i pa tande.

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 42:9

Bann premye levennman ki'n ganny anonse in fini pase. Aprezan, mon anons sa ki nouvo: Mon fer ou konnen avan menm zot arive.

Ezai 43:19

Mon pe al fer keksoz nouvo; deza i pe konmans bourzonnen; ou devre rekonnet! Mon pou tras semen dan dezer e fer sours delo koule dan bann landrwa sek.

Ezai 48:7

Sa bann keksoz in ganny kree aprezan; me ou pa ti'n antann nanryen avan sa. Alor, ou pa pou kapab dir: Mon ti konnen deza.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Mise 6:9

SENYER i koz avek zabitan lavil: I pou sov sa enn ki annan respe pour son non. Ekoute! Tribi Zida e zot lasanble dan lavil!

Matye 10:27

Sa ki mon dir zot dan fernwanr, repet li dan kler. Sa ki zot tande an sekre, pibliy li lo twa lakaz.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

1 Korentyen 2:9

Me parey Lekritir i deklare: Sa ki lizye pa'n zanmen war, sa ki zorey pa'n zanmen tande, sa ki zonm pa'n zanmen mazinen, Bondye in prepare pour sa bann ki kontan li.

Revelasyon 1:19

Aprezan, ekri sa ki ou'n war, sa ki pe pase aprezan, e sa ki pou arive apre.

Revelasyon 4:1

Apre sa, mon ti regarde, e mon ti war en laport ouver dan lesyel. Sa lavwa ki ti sonn koman en tronpet, ki mon ti'n tande avan, ti dir mwan: Mont isi e mon ava fer ou war sa ki pou arive apre sa.