Ezai 48:2 - Labib An Kreol Seselwa

² Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 48:2 ပူးပေါင်းရင်းမြစ်များ

Nehemi 11:1

Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Nehemi 11:18

Total bann levit dan lavil sakre: 284.

Psonm 48:1

SENYER i gran. Dan lavil nou Bondye, son montanny sakre, i merit tou louanz.

Psonm 87:3

Bann bon parol i ganny dir lo size lavil Bondye.

Ezai 10:20

Sa zour, en restan Izrael ek bann sirvivan desandan Zakob pou depann lo sa enn ki pe bat zot; me zot ava kont lo SENYER, Bondye sen Izrael.

Ezai 47:4

Nou sover i apel SENYER liniver. Li menm Bondye Sen, Izrael!

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 51:15

Mwan SENYER, ou Bondye mon fer lanmer vin move e bann laroul ronfle. SENYER liniver i son non.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 21:2

Konsilte SENYER pour nou, akoz Naboukodonozor, lerwa Babilonn, pe fer lager kont nou. Kekfwa SENYER ava fer en mirak dan nou faver e fer Naboukodonozor sorti kot nou.

Zeremi 44:26

Alor, zot tou ki sorti Zida e ki pe reste Lezip, ekout byen sa ki SENYER i dir zot: Mon fer serman par mon gran non, SENYER i deklare: Zanmen ankor mon pour permet personn parmi zot ki reste Zida, e partou dan pei Lezip, servi mon non pour dir: Mon fer serman par Senyer BONDYE ki vivan.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Matye 27:53

Zot ti sorti dan zot tonbo. Apre rezireksyon Zezi, zot ti al dan Zerizalenm, kot bokou dimoun ti war zot.

Matye 4:5

Alor, dyab ti anmenn Zezi ziska Zerizalenm, e met li debout lo lapwent twa Tanp.

Romen 2:17

Me ou ki port sa non Zwif, ki met ou konfyans dan Lalwa e ki fyer ou relasyon avek ou Bondye,

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Revelasyon 22:19

Si en dimoun i retir okenn parol profesi dan sa liv, Bondye pou retir son par dan pye dibwa lavi e dan lavil sen ki'n ganny dekri dan sa liv.

Ziz 17:13

Mise ti dir, “Aprezan, mon konnen ki SENYER ava fer mwan dibyen akoz sa levit in vin mon pret.”