Ezai 48:16 - Labib An Kreol Seselwa

¹⁶ Apros kot mwan! Ekout mwan! Depi konmansman mon pa'n koz an sekre. Mon ti la byen avan tousala. Aprezan, Senyer BONDYE in anvoy mwan avek son lespri.

Ezai 48:16 ပူးပေါင်းရင်းမြစ်များ

Ezai 34:1

Aprose bann nasyon! Vin ekoute! Bann pep! Port atansyon! Later avek tou son konteni! Ekoute! Lemonn avek tou sa ki i prodwi! Ekoute!

Ezai 41:1

La sa ki SENYER i deklare: Bann zil! Gard silans pour ekout mwan! Bann pep! Repran zot lafors. Aprose e koze! Ansanm, annou apros devan tribinal.

Ezai 43:13

Depi touzour, mwan menm Bondye. Personn pa kapab aras sa ki anba mon pouvwar. Mon azir, e personn pa kapab anpes mwan.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

Ezai 57:3

Me zot, bann zanfan en fanm sorsye, piti en fanm adilter, en prostitye! Vin isi.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Levanzil dapre Zan 18:20

Zezi ti reponn li, “Mon'n koz an piblik devan tou dimoun. Mon'n touzour ansenny dan bann sinagog e dan Tanp kot tou Zwif i rasanble. Mon pa'n zanmen dir nanryen an kasyet.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.