Ezai 48:13 - Labib An Kreol Seselwa

¹³ Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 48:13 ပူးပေါင်းရင်းမြစ်များ

Liv Zob 37:18

Eski ou kapab kre lesyel parey li e fer li klate parey en laglas an metal?

Psonm 102:25

Depi lontan, ou'n etabli fondasyon later; lesyel i travay fer par ou lanmen.

Psonm 147:4

I desid lo kantite zetwal; i donn sakenn en non.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Ezai 40:12

Lekel ki'n deza mezir delo dan son lanmen e ki'n fikse lesyel avek son plak lanmen? Lekel ki'n fer antre tou lapousyer later dan en mezir? Lekel ki'n deza pez bann montanny ek kolin lo en balans?

Ezai 40:21

Eski zot pa ti konnen? Eski zot pa'n tande? Pa in ganny dir depi konmansman? Zot pa ankor konpran ki mannyer in ganny formen?

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Zeremi 51:15

SENYER in kree later par son pwisans. Avek son lasazes i ti kree lemonn; par son disernman, in deroul lesyel.

Romen 4:17

Parey i'n ekri dan Lekritir: Mon'n fer ou vin papa en kantite nasyon. Abrahanm i nou papa devan Bondye, dan ki i'n krwar. Dan sa Bondye ki rann lavi sa bann ki'n mor e ki donn legzistans sa ki pa ti egziste.