Ezai 48:12 - Labib An Kreol Seselwa

¹² Zakob! Ekout mwan. Izrael mon'n apel ou: Mwan menm premye; mwan menm dernyen.

Ezai 48:12 ပူးပေါင်းရင်းမြစ်များ

Proverb 7:24

Aprezan, mon garson! Ekout mwan. Port atansyon lo sa ki mon pou dir:

Proverb 8:32

Aprezan, mon bann zanfan! Ekout mwan. Byennere sa bann ki swiv mon semen.

Ezai 34:1

Aprose bann nasyon! Vin ekoute! Bann pep! Port atansyon! Later avek tou son konteni! Ekoute! Lemonn avek tou sa ki i prodwi! Ekoute!

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Ezai 43:11

Mwan, zis mwan ki SENYER; apar mwan, napa en lot ki kapab sov ou.

Ezai 44:1

Aprezan, ekout mwan, Zakob mon serviter, Izrael ki mon'n swazir!

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 46:3

Tribi Zakob! Ekout mwan. Zot tou bann restan pep Izrael, zot ki mon'n pran swen depi dan vant zot manman, depi zot nesans.

Ezai 46:4

Mon pou reste parey ziska ler zot vye; mon pou soutenir ou, menm ziska ler ou ganny seve blan. Mon'n fer li e mon pou kontinyen fer li; mwan menm ki pou soutenir ou e delivre ou.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Ezai 51:1

Zot, ki rod lazistis! Zot, ki rod SENYER, ekout mwan! Lev zot lizye ver sa ros dan lekel zot ti ganny taye, ver sa karyer kot zot sorti.

Ezai 51:4

Mon pep! Ekout mwan! Mon nasyon! Port atansyon akoz mon pe al donn en lansennyman e mon lazistis pou en lalimyer lepep.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Matye 20:16

Zezi ti azoute, “Konmsa ki bann ki dernyen pou vin premye e bann ki premye pou vin dernyen.”

Romen 1:6

Zot osi, zot form parti sa bann dimoun ki'n resevwar lapel Zezi-Kri.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 1:24

Me pour bann ki Bondye in apele, Zwif koman Grek, Kris i pwisans ek lasazes Bondye.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 2:8

Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare:

Revelasyon 22:13

Mwan menm, Alfa ek Omega, premye ek dernyen, konmansman ek lafen.