Ezai 48:11 - Labib An Kreol Seselwa

¹¹ Mon fer sa pour mon prop loner; wi, pour mon prop loner. Annefe, mon pa pou les mon non ganny sali. Mon pa pou donn personn mon laglwar.

Ezai 48:11 ပူးပေါင်းရင်းမြစ်များ

Psonm 106:8

Me i ti sov zot pour loner son non, pour li montre zot son gran pwisans.

Psonm 115:1

Non SENYER! Pa nou. Pa nou ki merite. Me zis ou non ki merit laglwar, akoz ou bonte ek ou fidelite.

Psonm 25:11

SENYER! Pour loner ou non, pardonn mwan bann gro pese ki mon'n fer.

Psonm 25:7

Oubliy bann pese ek bann fot dan letan mon lazenes. Dan ou fidelite, mazin mwan akoz ou telman bon, SENYER.

Ezai 37:35

Mon pou defann sa lavil pour mwan sov li, pour mon prop loner e akoz mon serviter David.

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 48:5

depi lontan mon'n anons tousala; mon'n fer konnen avan zot arive. Konmsa, ou pa pou kapab dir: Mon bann zidol ki'n fer sa; mon bann bondye an bwa oubyen an metal ki'n ordonn sa.

Ezai 48:9

Pour loner mon non, mon pou kontrol mon lakoler; pour loner mon laglwar, mon pasyant ankor, pour mwan pa fer ou disparet.

Ezai 52:5

Ki mon pe fer la, SENYER i deklare, ler mon war mon pep pe ganny anmennen san rezon? Son bann sef pe kriye, SENYER i deklare e mon non i ganny ensilte tou lazournen.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Ezekyel 20:14

Pourtan, mon'n azir avek konsiderasyon pour mon loner, pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 20:22

Me mon pa ti fer li; mon ti azir an konsiderasyon mon loner pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 20:39

La sa ki Senyer BONDYE i deklare: Pep Izrael, sakenn parmi zot, zot kapab al ador zot zidol; apre, zot ava oblize obei mwan. Zot pou nepli profann mon non sen e ofer lofrann devan zot bann zidol.

Ezekyel 20:44

Alor, zot ava konnen ki mwan menm SENYER, kan mon pran aksyon pour prezerv mon loner, akoz mon pa pou pran kont zot move lavi, ni zot move aksyon. Senyer BONDYE ki deklare.

Ezekyel 20:9

Me mon'n azir avek konsiderasyon pour mon loner, pour ki mon non pa ganny profannen parmi bann nasyon kot zot zanset ti reste. Annefe, sa bann nasyon ti deza konn mon promes pour fer zot sorti Lezip.

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Danyel 9:17

Aprezan, nou Bondye, ekout lapriyer ek bann siplikasyon ou serviter. Zet en regar favorab lo ou sanktyer ki'n ganny detri!

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Romen 2:24

Annefe, Lekritir i deklare: Se akoz zot menm, ki lezot pep i ensilte Bondye.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.