Ezai 47:8 - Labib An Kreol Seselwa

⁸ Aprezan, zot ki kontan lavi plezir, ekoute! Zot ki pe asiz dan sekirite, ki dir dan zot leker: Mwan ki la; napa koman mwan. Mon pa pou asiz koman en vev, ni konnen ki savedir perdi zanfan.

Ezai 47:8 ပူးပေါင်းရင်းမြစ်များ

Ezai 14:14

Mon pou mont lo latet nyaz; mon pou vin parey Bondye Treo.

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Ezai 32:9

Fanm ki viv en lavi alez! Leve! Ekout mwan! Zot bann zenn fiy ardyese! Ekout mon parol!

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 45:5

Mwan menm SENYER. Apard mwan, napa en lot Bondye. San ki ou konn mwan, mon'n prepar ou pour al lager,

Ezai 45:6

pour ki, depi kot soley i leve, ziska kot i kouse, tou dimoun ava konnen ki apard mwan, napa en lot. Zis mwan ki SENYER e napa en lot.

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Zeremi 49:31

Leve! Al atak sa nasyon ki krwar i an sekirite. Son lavil napa okenn baro ni kadnan pour protez zot. Zot tousel.

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Zeremi 51:53

Menm si Babilonn ti ava mont ziska dan lesyel; menm si i ti ava ranforsi son bann fortifikasyon, mon pou kanmenm anvoy lennmi pour detri li, SENYER ki deklare.

Ezekyel 16:49

La fot ou ser, Sodonm ek son bann fiy: Zot ti annan lafyerte, zot ti kontan manz bokou, zot pa ti pran okenn traka, zot pa ti fer nanryen pour ed bann pov, ni bann malere.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 30:9

Sa zour, mon pou anvoy mesaze sorti kot mwan par bato. Zot pou fer tranble Letyopi ki krwar i an sekirite. En zour maler kan bann zabitan pou tranble avek lafreyer i pros.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Danyel 4:4

Mwan, Naboukodonozor, mon ti pe viv trankilman e ere se mwan dan mon pale.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Nahoum 3:4

Niniv! Ou koman en prostitye par ou lavi debos? Par ou labote ou ti andoy dimoun e vann bann nasyon. Par ou prostitisyon ou'n anbet bann pep.

Habakouk 1:7

Zot en pep terib ki fer per. Zot enpoz zot prop lalwa ek zot lotorite.

Sofoni 2:15

Sanmenm sa ki pou arive avek Niniv, sa lavil fyer ki ti an sekirite. Son bann zabitan ti dir: Mwan ki la! Napa koman mwan! Aprezan, in ganny detri; i'n vin en landrwa maske pour zannimo! Tou sa ki pas par la i gognarde e fer bann zes endesan.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Ziz 18:27

Bann Danit ti pran bann lobze ki Mise ti'n fer e anmenn ansanm avek sa pret ki ti dan son servis. Zot ti atak lavil Lais, en pep trankil e ki pa donn okenn problenm, me ki zot ti masakre e bril zot lavil.

Ziz 18:7

Sa senk zonm ti ale; zot ti ariv Lais. Zot ti war ki popilasyon ki ti pe reste la, ti pe viv an sekirite parey bann zabitan Sidon, dan trankilite ek konfyans. Dan sa pei, ti napa okenn vwazen zennan, oubyen dominer. Zot ti viv lwen avek bann Sidonit e zot ti napa relasyon avek personn.