Ezai 47:7 - Labib An Kreol Seselwa

⁷ Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Ezai 47:7 ပူးပေါင်းရင်းမြစ်များ

Egzod 7:23

Faraon ti retourn kot li san fer plis ka lo sa zafer.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Ezai 47:5

Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Ezai 57:1

Bann zis i ganny detri e personn pa pran ka. Bann fidel i disparet e personn pa konpran. Annefe, bann ki fidel anver Bondye pe disparet, anglouti dan maler.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Ezekyel 7:2

Ou ki en imen, ekout sa ki mwan, Senyer BONDYE, mon deklare avek pep Izrael: I'n fini! Lafen in arive, maler i dan kat kwen pei.

Danyel 4:29

Douz mwan plitar, lerwa ti pe pronmnen lo twa son pale Babilonn.

Danyel 4:4

Mwan, Naboukodonozor, mon ti pe viv trankilman e ere se mwan dan mon pale.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.