Ezai 47:5 - Labib An Kreol Seselwa

⁵ Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Ezai 47:5 ပူးပေါင်းရင်းမြစ်များ

Psonm 31:17

SENYER! Pa les mwan ganny dezapwente, akoz mon'n kriy ver ou; me imilye mon bann lennmi. Fer bann malfeter desann an silans dan lemonn lanmor.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Ezai 14:23

La sa ki SENYER liniver i deklare: Mon pou fer sa lavil vin en lanmar en landrwa pour tang reste. Mon pou detri li avek en balye destriksyon.

Ezai 14:4

ou ava sant sa sanson lo lerwa Babilonn: Ki'n arive avek sa diktater? Son larogans in disparet? I nepli kapab ensilte?

Ezai 21:9

Gete! La zot vini, de par de, lo seval! I ti reponn: Babilonn in tonbe! Babilonn in tonbe! Tou son bann zidol ki zot adore in fannen ater.

Ezai 23:2

Bann zabitan lakot! Reste trankil. Zot, bann marsan Sidon ki anvoy bann negosyan travers lanmer!

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Zeremi 25:10

Mon pou fer disparet tou sanson lazwa ek kontantman, tou sanson maryaz. Pou annan silans kot i moul lagrenn. Lalanp delwil pou aret kler lakaz dan fernwanr.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Habakouk 2:20

Me SENYER i prezan dan son tanp sen. Later antye! Fer silans devan li.

Zakari 2:13

Gard silans devan SENYER, akoz in leve sorti dan son sanktyer sakre.

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

Revelasyon 17:18

Anfen, sa fanm ki ou'n war, li menm sa gran lavil ki domin lo tou bann lerwa lo later.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.