Ezai 45:6 - Labib An Kreol Seselwa

⁶ pour ki, depi kot soley i leve, ziska kot i kouse, tou dimoun ava konnen ki apard mwan, napa en lot. Zis mwan ki SENYER e napa en lot.

Ezai 45:6 ပူးပေါင်းရင်းမြစ်များ

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 45:5

Mwan menm SENYER. Apard mwan, napa en lot Bondye. San ki ou konn mwan, mon'n prepar ou pour al lager,

Ezai 47:8

Aprezan, zot ki kontan lavi plezir, ekoute! Zot ki pe asiz dan sekirite, ki dir dan zot leker: Mwan ki la; napa koman mwan. Mon pa pou asiz koman en vev, ni konnen ki savedir perdi zanfan.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezekyel 38:23

Konmsa ki mon pou montre tou nasyon ki mon en Bondye gran e sen. Alor, zot ava konnen ki mwan menm SENYER.

Ezekyel 39:21

Mon pou montre mon grander parmi bann nasyon; zot ava war mon pwisans dan legzekisyon mon zizman.

Zoel 2:27

Alor, zot pou konnen ki mon prezan parmi pep Izrael, ki mwan menm SENYER, zot Bondye e ki napa en lot. Mon pep pa pou zanmen santi zot onte ankor.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.