Ezai 45:3 - Labib An Kreol Seselwa

³ Mon pou donn ou bann trezor ki dan landrwa fernwanr, bann larises dan bann landrwa sekre. Konmsa, ou ava konnen ki mwan menm SENYER, Bondye Izrael ki apel ou par ou non.

Ezai 45:3 ပူးပေါင်းရင်းမြစ်များ

2 Kronik 6:17

Alor, SENYER, Bondye pep Izrael, realiz sa promes ki ou ti fer avek ou serviter David!

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Egzod 33:12

Moiz ti dir SENYER, “SENYER! Ou ti'n dir mwan: Diriz sa pep; me ou pa'n dir mwan lekel ki ou pou anvoy avek mwan. Pourtan, ou menm ki ti dir: Mon konn ou par ou non e ou'n akord mwan ou faver.

Egzod 33:17

SENYER ti dir Moiz, “Mon pou fer egzakteman sa ki ou'n demande akoz ou'n resevwar mon faver, e mon konn ou par ou non.”

Ezai 41:23

Dir nou sa ki pou arive apre; konmsa, nou ava konnen ki zot en bann bondye. Fer en keksoz, byen ou mal, ki pou fer nou per e tranble.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 48:15

Mwan menm! Zis mwan ki'n koze e ki'n apel li. Mon'n fer li vini, e son travay pou reisi.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Zeremi 41:8

Me ti annan 10 zonm ki ti'n dir Ismael: Pa touy nou. Nou'n kasyet en ta provizyon an deor lavil: Dible, lorz, delwil e dimyel.

Zeremi 50:26

Vin kot li, zot tou ki sorti lwen! Ouver son bann grennyen. Fer bann ta avek bann legren e detri zot konpletman. Ki nanryen pa reste!

Zeremi 50:37

Mon deklar lager kont son bann seval ek son bann kales lager; kont tou bann troup etranze ki parmi zot, pour zot tonm feb parey bann fanm. Detri tou son bann trezor; ki zot ganny vole.

Zeremi 51:13

Zot, bann zabitan Babilonn ki reste kot delo i annabondans! Zot annan en kantite larises! Me zot letan in fini. Pa reste lontan pour zot viv.

Zeremi 51:53

Menm si Babilonn ti ava mont ziska dan lesyel; menm si i ti ava ranforsi son bann fortifikasyon, mon pou kanmenm anvoy lennmi pour detri li, SENYER ki deklare.