Ezai 45:1 - Labib An Kreol Seselwa

¹ La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Ezai 45:1 ပူးပေါင်းရင်းမြစ်များ

1 Rwa 19:15

SENYER ti dir li, “Ale, repran semen dan dezer ziska Damas. Ler ou ava ariv laba, ou ava donn lonksyon Azael, pour konsakre li lerwa Siri.

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Liv Zob 12:21

I abes bann sef; i imilye bann diktater.

Psonm 73:23

Pourtan, mon touzour reste atase avek ou; ou atrap mon lanmen drwat.

Ezai 13:2

Lev en bannyer lo latet en montanny dezer. Kriy byen for; fer siny avek zot lanmen pour zot antre par laport bann gran dimoun.

Ezai 13:3

Mwan menm ki'n donn lord bann zonm ki mon'n konsakre. Mon'n rasanble mon bann brav gerye, ki selebre mon laviktwar e egzekit mon lakoler.

Ezai 41:13

Mwan menm SENYER ou Bondye ki tenir ou par ou lanmen drwat e dir ou: Pa bezwen per, mon la pour sekour ou.

Ezai 41:2

Lekel ki'n fer vini en konkeran sorti dan Les e donn li laviktwar partou kot i ale? Lekel ki'n donn li laviktwar lo bann nasyon e met bann lerwa anba son dominasyon? Son lepe, i fer zot vin lapousyer. Son fles i fer zot fannen parey lapay dan divan.

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 42:6

Mwan SENYER, mon'n apel ou dapre lazistis. Mon'n pran ou par lanmen e protez ou; mon'n swazir ou pour ou vin en lalyans pour lepep, en lalimyer pour bann nasyon,

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Ezai 45:5

Mwan menm SENYER. Apard mwan, napa en lot Bondye. San ki ou konn mwan, mon'n prepar ou pour al lager,

Ezai 48:15

Mwan menm! Zis mwan ki'n koze e ki'n apel li. Mon'n fer li vini, e son travay pou reisi.

Zeremi 27:6

Mwan menm ki'n met tou bann nasyon anba pouvwar mon serviter, Naboukodonozor, lerwa Babilonn. Mon'n menm met tou bann zannimo sovaz anba son pouvwar pour servi li.

Zeremi 43:10

Ou ava dir zot: La sa ki SENYER liniver, Bondye Izrael i deklare: Mon pou fer mon serviter Naboukodonozor, lerwa Babilonn, vin isi. Mon pou enstal son tronn par lao sa bann ros ki mon'n kasyet. La ki i pou etabli son latant rwayal.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 50:35

Lager kont Babilonn, kont son bann zabitan, son bann sef e son bann saz, SENYER i deklare.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:30

Bann gerye Babilonyen in arete konbat. Zot in reste dan zot kan. Zot nepli annan kouraz, zot in vin parey bann kapon. Zot bann lakaz pe brile, baro lavil in ganny kraze.

Zeremi 51:58

Lennmi pou kraz miray epe ki protez Babilonn. Son bann gran laport pou ganny detri par dife. Zefor bann nasyon pa servi dan nanryen. Tou zot travay i fini dan dife, SENYER liniver i deklare.

Ezekyel 29:20

Mon donn li Lezip koman rekonpans akoz i'n travay pour mwan, Senyer BONDYE i deklare.

Danyel 5:6

Son figir ti sanz kouler, e son lespri ti tourmante. Son lekor ti large e son de zenou ti tranble.

Danyel 7:5

Apre, ti annan en dezyenm bebet. I ti parey en lours. I ti kabann lo en kote; i ti annan trwa kot dan son lagel, ant son bann ledan. I ti ganny dir: Leve, devor bokou laser!

Danyel 8:3

Mon ti lev mon lizye e mon ti war en mouton mal lo bor larivyer. I ti annan de gran korn. Tou le de korn ti long, me sa korn ki ti pous an dernyen, ti pli long ki lot.

Danyel 8:4

Mon ti war sa mouton mal donn koud korn dan direksyon Was, Nor e Sid. Okenn zannimo pa ti kapab reziste son lafors, e personn pa ti kapab ganny delivre anba son pouvwar. I ti fer sa ki i ti oule e i ti vin pli pwisan.

Nahoum 2:6

Bann laport lo larivyer i ganny defonse; pale rwayal i degrengole.

Nahoum 3:13

Gete, ou bann gerye, parey bann fanm, nepli kapab lager. Bann laport ou pei i gran ouver pour ou bann lennmi; dife in detri bann fermtir.