Ezai 43:3 - Labib An Kreol Seselwa

³ akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Ezai 43:3 ပူးပေါင်းရင်းမြစ်များ

Zenez 10:7

Bann garson Kous: Seba, Havila, Sabta, Rama ek Sabteka. Bann garson Rama: Saba ek Dedann.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Egzod 10:7

Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Proverb 11:8

Sa enn ki zis i ganny delivre dan son traka; malfeter i vin pran son plas.

Proverb 21:18

Malfeter i en garanti pour sa enn ki zis; Tret i en garanti pour dimoun ki drwat.

Ezai 19:20

Sa i pou en siny e en temwannyaz anver SENYER liniver dan pei Lezip. Ler zot ava kriy ver SENYER akoz lopreser, i pou anvoy zot en sover, i pou defann zot e delivre zot.

Ezai 20:3

Apre sa, SENYER ti dir: Parey mon serviter Ezai ti mars pandan 3 an touni e san sandal, koman en siny e en lavertisman pour Lezip ek Letyopi,

Ezai 30:11

Aret swiv sa semen; sorti lo sa larout. Aret koz lo Bondye Sen dan Izrael avek nou.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 43:11

Mwan, zis mwan ki SENYER; apar mwan, napa en lot ki kapab sov ou.

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 45:15

Vreman ou en Bondye ki reste kasyet; Ou, Bondye Izrael, ki Sover!

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Ezai 63:8

Akoz i ti'n dir: San okenn dout, i mon pep; mon bann zanfan ki pa pou fer frod e i ti vin en sover pour zot,

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Zeremi 16:21

Pour sa rezon, mon pou fer sa bann nasyon konn mon pouvwar ek mon pwisans. Konmsa, zot ava konnen ki mon non i SENYER.

Ezekyel 39:7

Mon pou fer konn mon non sen parmi mon pep, Izrael. Mon pa pou les mon non ganny profannen ankor. Tou bann nasyon pou konnen ki mwan menm SENYER, sa enn ki sen dan Izrael.

Oze 13:4

Sepandan, mwan ki SENYER, zot Bondye depi ki zot in sorti Lezip. Zot pa'n konn okenn lot Bondye eksepte mwan; apard mwan, napa en lot sover.

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!