Ezai 42:7 - Labib An Kreol Seselwa

⁷ pour ou ouver lizye bann aveg, pour ou liber bann prizonnyen ki dan kaso, e fer sorti an konsiny bann ki reste dan fernwanr.

Ezai 42:7 ပူးပေါင်းရင်းမြစ်များ

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Ezai 29:18

Sa zour, dimoun sourd pou antann parol ki'n ekri dan sa liv. Aveg pou sorti dan fernwanr e war kler.

Ezai 35:5

Alor, lizye bann aveg pou ouver; zorey bann sourd pou tande.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 42:22

Me sa pep i en pep ki'n ganny vole e depouye. Zot tou zot in pri dan trou e fermen dan prizon. Zot in vin viktim san ki personn i kapab sov zot. Zot in ganny vole, me personn pa dir: Rann sa!

Ezai 49:9

pour ou dir avek bann prizonnyen: Sorti! Avek dimoun ki viv dan fernwanr: Montre zot! Zot pou kapab ganny nouri dan semen e lo bann montanny.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Mise 7:9

Mon bezwen siport lakoler SENYER, akoz mon'n fer pese kont li. Me i pou defann mon lakoz ek mon drwa. I pou anmenn mwan dan lalimyer e mon pou war son lazistis.

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Levanzil dapre Lik 24:45

Alor, i ti ouver zot lespri pour zot kapab konpran Lekritir.

Levanzil dapre Zan 9:39

Alor, Zezi ti dir, “Mon'n vin dan sa lemonn pour en zizman: Pour ki bann aveg i war kler, e bann ki war kler i vin aveg.”

Levanzil dapre Zan 9:7

I ti dir li, “Al lav ou dan basen Siloe.” Sa mo i vedir: Anvoye. Alor, sa zonm ti ale; i ti lav son lizye. Ler i ti retournen i ti war kler.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

2 Timote 2:26

Alor, zot ava retourn dan zot bon sans e debaras zot dan pyez kot dyab in graponn zot, pour fer zot soumet anba son lavolonte.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.