Ezai 42:6 - Labib An Kreol Seselwa

⁶ Mwan SENYER, mon'n apel ou dapre lazistis. Mon'n pran ou par lanmen e protez ou; mon'n swazir ou pour ou vin en lalyans pour lepep, en lalimyer pour bann nasyon,

Ezai 42:6 ပူးပေါင်းရင်းမြစ်များ

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 27:3

Mwan SENYER, ki gardyen sa plantasyon rezen. Mon aroz li toultan. Mon vey lo li lizour koman lannwit. Konmsa, personn pa kapab fer li ditor.

Ezai 32:1

Alor, en lerwa pou rennyen dapre lazistis e bann sef pou gouvern dapre lalwa.

Ezai 41:13

Mwan menm SENYER ou Bondye ki tenir ou par ou lanmen drwat e dir ou: Pa bezwen per, mon la pour sekour ou.

Ezai 41:2

Lekel ki'n fer vini en konkeran sorti dan Les e donn li laviktwar partou kot i ale? Lekel ki'n donn li laviktwar lo bann nasyon e met bann lerwa anba son dominasyon? Son lepe, i fer zot vin lapousyer. Son fles i fer zot fannen parey lapay dan divan.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 45:1

La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Ezai 45:13

SENYER liniver i deklare: Mwan ki'n lev Siris pour mon lazistis, mon pou tir tou lobstak lo son semen. I pou rekonstri mon lavil e rann laliberte mon pep ki annegzil, san pey okenn pri, san okenn rekonpans.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 49:8

La sa ki SENYER i deklare: Dan letan favorab, mon ti reponn ou. Zour delivrans, mon ti sekour ou; mon'n gard ou pour fer ou vin en lalyans pour lepep, pour ou relev sa pei e partaz bann patrimwann ki'n reste abandonnen;

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 13:47

Annefe, sanmenm sa ki Senyer in ordonn nou: Mon'n etabli ou koman lalimyer pour bann nasyon, pour ki ou anmenn delivrans ziska landrwa pli lwen lo later.”

Akt de Zapot 26:23

Ki Mesi i devre soufer, e ki i pou premye pour resisite parmi bann mor; ki i ava proklanm lalimyer avek nou pep e avek lezot nasyon.”

2 Korentyen 1:20

Annefe, tou bann promes Bondye, zot trouv zot Wi dan Zezi-Kri. Pour sa rezon, par Zezi-Kri ki nou dir nou Amenn pour rann glwar Bondye.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Ebre 7:2

Abrahanm ti donn li en dizyenm lo tou bann depouy lager. Sa non Melkisedek, i vedir: Lerwa lazistis. I osi lerwa Salenm, savedir: Lerwa lape.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 8:6

An realite, Kris in ganny etabli dan en servis bokou pli siperyer ki pour lezot pret. Annefe, i lentermedyer dan en meyer lalyans, akoz i'n ganny fonde lo bann pli gran promes.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.