Ezai 42:5 - Labib An Kreol Seselwa

⁵ La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 42:5 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Zenez 2:7

SENYER Bondye ti form zonm avek lapousyer later. I ti soufle en souf lavi dan son nennen e i ti vin en et vivan.

Liv Zob 12:10

Lavi tou et vivan, souf tou imen i dan son lanmen.

Liv Zob 27:3

Tan ki mon ankor vivan, tan ki souf Bondye i dan mwan,

Liv Zob 33:4

Lespri Bondye ki'n kre mwan, e souf Bondye liniver ki fer mwan viv.

Liv Zob 34:14

Si i ti mazin zis pour li e repran souf lavi zis pour li,

Psonm 136:6

In plas later lo bann losean; son fidelite i dire pour touzour.

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Psonm 96:5

Tou bann bondye lezot pep i zis zidol. Me SENYER in kree lesyel.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezai 40:12

Lekel ki'n deza mezir delo dan son lanmen e ki'n fikse lesyel avek son plak lanmen? Lekel ki'n fer antre tou lapousyer later dan en mezir? Lekel ki'n deza pez bann montanny ek kolin lo en balans?

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Ezai 40:28

Eski zot pa konnen? Eski zot pa'n tande? SENYER ki Bondye depi touzour e pour touzour, i Kreater later antye. I pa zanmen afebli; zanmen i fatige, son lentelizans napa okenn limit.

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Zeremi 10:12

Par son pwisans SENYER in kre later. Par son lasazes i ti kre lemonn e son lentelizans in etal lesyel.

Zeremi 27:5

Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 38:16

Alor, an sekre, lerwa Sedesyas ti fer sa promes avek Zeremi, “Mon fer serman, devan SENYER ki vivan, ki'n donn nou lavi: Mon pa pou fer ou ganny touye, e mon pa pou livre ou dan lanmen sa bann zonm ki oule touy ou.”

Ezekyel 18:4

Annefe, lavi sak dimoun i pour mwan; lavi bann paran koman lavi bann zanfan. Sa enn ki'n fer pese, se li menm ki pou mor.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Amos 9:6

Bondye in etabli son demer dan lesyel e kouver later avek en twa. I tir delo dan lanmer pour devers li lo later. SENYER i son non.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Akt de Zapot 17:24

Bondye ki'n kree lemonn ek tou sa ki ladan, i Senyer lesyel ek later. I pa reste dan bann tanp ki'n ganny konstri par lanmen zonm.

Akt de Zapot 17:25

I pa bezwen ki zonm i okip li e fer nenport kwa pour li, akoz li menm ki donn tou dimoun lavi, respirasyon ek tou leres.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.