Ezai 42:4 - Labib An Kreol Seselwa

⁴ I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Ezai 42:4 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 40:28

Eski zot pa konnen? Eski zot pa'n tande? SENYER ki Bondye depi touzour e pour touzour, i Kreater later antye. I pa zanmen afebli; zanmen i fatige, son lentelizans napa okenn limit.

Ezai 41:5

Bann zil in war e zot per; later antye i tranble. Zot pe aprose, zot pe vini.

Ezai 42:10

Sant en nouvo kantik an loner SENYER! Sant son louanz depi dan bout later! Loue li! Zot ki vwayaz lo lanmer e zot zabitan bann zil!

Ezai 42:12

Zot tou! Rann glwar SENYER. Bann zil! Sant son louanz.

Ezai 42:21

Akoz son lazistis, SENYER i pran plezir pour rann son lansennyman gran e manifik.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Ezai 51:4

Mon pep! Ekout mwan! Mon nasyon! Port atansyon akoz mon pe al donn en lansennyman e mon lazistis pou en lalimyer lepep.

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 55:5

Ou pou apel bann nasyon ki ou pa konnen; bann nasyon ki pa konn ou, pou tay kot ou, akoz SENYER ou Bondye, Sen dan Izrael, in glorifye ou.

Ezai 60:9

Zabitan bann zil pou met zot lespwar dan mwan. Bann bato sorti Tarsis, an premye ki pou anmenn ou bann garson ki sorti byen lwen, avek zot kargezon larzan ek lor pour loner non SENYER ou Bondye e pour Bondye Sen Izrael, akoz in glorifye ou.

Ezai 66:19

Mon pou met en siny parmi zot. Mon pou anvoy en pe bann sirvivan kot bann nasyon: Tarsis, Pout ek Loud, bann ki konn byen tir fles, Toubal ek Lagres; dan bann zil elwannyen ki pa'n antann mon non rezonnen ni war mon laglwar; zot pou anons mon laglwar parmi bann nasyon.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Matye 12:21

Tou bann nasyon ava met zot lespwar dan son non.

Mark 3:3

Zezi ti dir sa zonm avek lanmen paralize, “Leve! Vin isi devan tou dimoun.”

Romen 16:26

Me la aprezan, sa mister i'n ganny revele e anonse avek tou bann nasyon, par sa ki bann profet in ekri, dapre lord Bondye eternel, pour ki zot ariv dan lobeisans par lafwa.

1 Korentyen 9:21

Demenm, parmi bann ki pa konn Lalwa Moiz, mon vin parey bann ki pa konn Lalwa, pour mwan ganny zot. Pourtan, devan Bondye, mon obei lalwa, akoz mon soumet mwan anba lalwa Kris.