Ezai 41:29 - Labib An Kreol Seselwa

²⁹ Zot tou, zot en bann nanryen ditou; zot travay pa vo nanryen; zot bann zidol i vid, zot en nanryen ditou.

Ezai 41:29 ပူးပေါင်းရင်းမြစ်များ

Psonm 96:5

Tou bann bondye lezot pep i zis zidol. Me SENYER in kree lesyel.

Ezai 17:8

Zot pou nepli pran kont bann lotel ki travay zot prop lanmen; ni sa ki zot in fabrike avek zot ledwa. Zot pou nepli annan lentere pour bann poto sakre Asera ni bann lotel lansan.

Ezai 2:8

Zot pei i ranpli avek fo bondye. Zonm i prosternen devan zidol ki zot in fabrike avek zot lanmen, sa ki zot in fer avek zot prop ledwa.

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Ezai 41:24

Zot pa vo nanryen. Zot pa kapab fer nanryen. Swazir ou koman son bondye, i en keksoz degoutan.

Ezai 46:7

Zot met li lo zot zepol e zot anmenn li; zot al depoz li dan son plas e i reste debout. I pa kapab bouze kot i ete. Si en dimoun i vin sipliy li, i pa reponn. I pa ni kapab sov personn dan son maler.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 5:13

In dir: Bann profet pa konnen ki zot pe koze; zot parol i vid. Bondye pa'n zanmen koz avek zot. Sa bann maler ki zot anonse pou tonm lo zot menm.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Ziz 18:17

Sa senk zonm ki ti'n al eksplor pei ti mont dan letaz. Zot ti antre e zot ti pran rob pret, bann pti stati bondye ek sa stati an metal. Sa pret ti pe debout devan laport avek sa 600 zonm, zot zarm atase avek zot sentir.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.