Ezai 41:27 - Labib An Kreol Seselwa

²⁷ Mwan ki ti premye pour anons sa bon nouvel Zerizalenm: Gete! Ou pep pe retournen!

Ezai 41:27 ပူးပေါင်းရင်းမြစ်များ

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.

Ezai 48:12

Zakob! Ekout mwan. Izrael mon'n apel ou: Mwan menm premye; mwan menm dernyen.

Ezai 48:3

Bann levennman ki mon'n anons par mon labous, ki mon'n fer konnen depi lontan, la en sel kou, mon'n azir e fer zot vin realite.

Ezai 52:7

Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Nahoum 1:15

Zabitan Zida! Gete! La zot pe vini lo montanny, sa enn ki vin anons bonn nouvel: Zot anons lape. Selebre zot bann lafet, Zida; gard zot bann ve. Destrikter pa pou pas ankor parmi zot. I'n ganny konpletman detri.

Romen 10:15

Ki mannyer en dimoun pou anons li, si napa personn ki'n ganny anvoye? Parey Lekritir i deklare: Pa i gou war arive bann ki anons Bonn Nouvel!

Revelasyon 2:8

Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare: