Ezai 41:26 - Labib An Kreol Seselwa

²⁶ Lekel ki'n anons sa depi konmansman pour ki nou kapab konnen? Lekel ki'n anonse depi lontan davans pour nou dir: Wi! I vre! Napa personn ki'n anonse, napa personn ki'n fer nou tande, napa personn ki'n antann ou parol.

Ezai 41:26 ပူးပေါင်းရင်းမြစ်များ

Ezai 41:22

Anmenn sa bann laprev e montre nou sa ki pou arive. Dir nou sa ki'n arive dan lepase; konmsa, nou ava pran zot an kont e nou ava konnen sa ki pou arive; oubyen, anons nou lavenir.

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Ezai 43:9

Reini tou bann nasyon! Rasanble tou bann pep! Lekel parmi zot ti deklare e dir nou davans sa ki ti pou arive? Anmenn zot bann temwen pour prouve ki zot annan rezon! Annou les bann temwen ekout zot e dir: Sa i vre!

Ezai 44:7

Lekel ki parey mwan? Fer konnen. Vin deklar devan mwan sa ki'n arive. Deklar li, eksplik mwan tou sa ki'n arive depi ki mon ti form premye pep dan letan pase. Vin anons sa ki pou arive dan lavenir ek keksoz ki devre arive.

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.