Ezai 41:22 - Labib An Kreol Seselwa

²² Anmenn sa bann laprev e montre nou sa ki pou arive. Dir nou sa ki'n arive dan lepase; konmsa, nou ava pran zot an kont e nou ava konnen sa ki pou arive; oubyen, anons nou lavenir.

Ezai 41:22 ပူးပေါင်းရင်းမြစ်များ

Ezai 41:26

Lekel ki'n anons sa depi konmansman pour ki nou kapab konnen? Lekel ki'n anonse depi lontan davans pour nou dir: Wi! I vre! Napa personn ki'n anonse, napa personn ki'n fer nou tande, napa personn ki'n antann ou parol.

Ezai 42:9

Bann premye levennman ki'n ganny anonse in fini pase. Aprezan, mon anons sa ki nouvo: Mon fer ou konnen avan menm zot arive.

Ezai 44:7

Lekel ki parey mwan? Fer konnen. Vin deklar devan mwan sa ki'n arive. Deklar li, eksplik mwan tou sa ki'n arive depi ki mon ti form premye pep dan letan pase. Vin anons sa ki pou arive dan lavenir ek keksoz ki devre arive.

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 48:14

Rasanble e ekoute zot tou! Lekel parmi zot ki'n deza anons tousala? Sa enn ki SENYER i kontan pou realiz sa ki i'n deside kont Babilonn e son lebra pou leve kont bann Babilonyen.

Ezai 48:3

Bann levennman ki mon'n anons par mon labous, ki mon'n fer konnen depi lontan, la en sel kou, mon'n azir e fer zot vin realite.

Levanzil dapre Zan 13:19

Mon dir sa avan i arive pour ki kan i arive, zot ava krwar ki mon egziste depi touzour.

Levanzil dapre Zan 16:14

Lespri laverite pou glorifye mwan, akoz i pou resevwar sa ki pour mwan, pour li anons zot.