Ezai 41:19 - Labib An Kreol Seselwa

¹⁹ Mon pou fer pye sed, akasya, mirt ek pye zoliv pouse dan dezer. Dan bann landrwa sek, mon pou fer pouse ansanm, toudsort pye dibwa.

Ezai 41:19 ပူးပေါင်းရင်းမြစ်များ

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Ezai 35:1

Dezer ek later desese pou dan lazwa! Dezer pou kontan e pou fleri avek zoli fler.

Ezai 43:19

Mon pe al fer keksoz nouvo; deza i pe konmans bourzonnen; ou devre rekonnet! Mon pou tras semen dan dezer e fer sours delo koule dan bann landrwa sek.

Ezai 51:3

SENYER pou konsol Siyon. I pou pran pitye pour bann landrwa devaste. I pou fer bann dezer vin parey zarden Edenn, parey zarden SENYER. I pou reganny lazwa ek kontantman; avek bann kantik louanz ek psonm.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 60:13

Bann diferan kalite pye dibwa ki fer laglwar Liban, pou ganny anmennen kot ou. Zot pou fer en zoli dekor dan mon sanktyer, e mon pou glorifye sa landrwa kot mon repoz mon lipye.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Zakari 1:8

Dan lannwit, mon ti war en zonm pe mont lo en seval rouz! I ti'n arete dan en vale parmi bann pye dibwa. Deryer li, ti annan bann seval kouler rouz, bren e blan.